EZEKELA 32:24 - Jinghpaw Common Language Bible 2009

²⁴ Elam mung gaw dai yang e, shi a grup grup hta shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai; shanhte gaw matu gadoi n hkam la ai sha katsan ga de yu mat wa masai. Shanhte gaw asak naw hkrung nga yang, hkrit hpa lam shapraw ma ti mung, ya chyawm gaw shanhte si taw ai hte myi man sum nga masai.

Jinghpaw Hanson Version Bible

²⁴ Dai yang e, Elam hte shi a lup grup yin e, shi a wunawng wuwa ni yawng, nga nga ma ai: nlang hte gaw nhtu hte kadawng si nna, matu gadoi n hkam ai ni zawn, lamu ga a lawu tsang de yu hkrat wa ai ni rai nga ma ai: shanhte gaw dinghta ga e hkrithpa tai ma timung, nsung hku de yu wa ai ni hte rau, kaya kahpa hkrum masai.

EZEKELA 32:24 ပူးပေါင်းရင်းမြစ်များ

NINGPAWT NINGHPANG 10:22

Shem a shadang sha ni gaw Elam, Ashura, Arhpaza, Luda hte Aram ni rai nna shanhte a mying ni hta hkan nna pra nga ai amyu masha ni a kaji kawa ni tai wa nga masai.

NINGPAWT NINGHPANG 14:1

Hkawhkam mali rai nga ai, Babelon hkawhkam Amrahpela, Elasa hkawhkam Ariok, Elam hkawhkam Hkedalauma, hte Goim hkawhkam Htidala

1 HKAWHKAM LABAU 1:17

Shem a shadang sha ni gaw Elam, Ashura, Arhpaza, Luda, Aram, Uza, Hula, Gehta, hte Meshek ni rai ma ai. Shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga masai.

YOBA 28:13

Hpaji byeng-ya hpe masha hta mu tam la lu ai n rai; Kadai mung de a teng man ai manu hpe chye lu ai n rai.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 38:11

Ngai gaw ndai ahkrung nga ai mungkan ga hta Dai Madu hpe mung, hkrung nga ai masha kadai hpe mung Galoi mung bai mu lu sana n rai, ngu myit nawn kau nngai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

EZEKELA 16:52

Ya chyawm gaw na a myi man sum shangun ai kaya kahpa lam hpe nang hkam la na rai ndai. Na a shut hpyit ai yubak mara ni gaw na a makau na, nang hpe hpa n chye ai zawn yu nga ai na a kanau kana ni shut hpyit ai hta grau nna sawng nga ai. Nang gaw na a kanau kana ni hpe hpa mara mung n shakap shangun ndai majaw, ya dai na a kaya kahpa amu hpe hkam la u,” ngu nna tsun wu ai.

EZEKELA 16:54

Nang gaw nang hkum nan kaya kahpa hkrum na rin dai; na a myi man sum ai kaya kahpa amu gaw na a kanau kana ni hpe shanhte kade wa nga pyaw nga ma ai hpe madun na ra ai.

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

EZEKELA 31:18

“Dai hpun gaw Egutu hkawhkam hte shi a amyu masha ni yawng rai ma ai. Eden sun hta tu ai hpun ni hta pyi grau tsaw ai hte kung dam nga nit dai. Rai ti mung, ya chyawm gaw, Eden sun hta tu ai hpun ni zawn nang gaw Katsan ga de yu mat wa nna n kam n sham ai ni hte majan hta sat kau hkrum sai ni hte rau kanawn mazum nga lu na rin dai. Tsaw Htum ai dai Madu ngai nan tsun ni ai.”

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 32:19

Shanhte hpe ning ngu tsun u: “Nang gaw kaga wa hta grau nna tsawm nga ai ngu, myit nawn da wu ni? Nang gaw katsan ga de yu wa na rai nna, dai shara na n kam n sham ai ni a lapran e kaleng taw nga u.

EZEKELA 32:21

N-gun ja htum ai share ninghkrin ni hte Egutu masha ni maga de majan gasat lawm nga ai ni gaw katsan ga de yu wa na matu Egutu masha ni hpe hkalum la nga ma ai. Shanhte gaw, ‘Majan hta sat kau hkrum sai dai n kam n sham ai ni gaw ndai shara de du nga sai hte kaleng taw nga ma hka!,’ ngu nna jahtau tsun ma ai.

EZEKELA 32:25

Elam gaw majan hta sat kau hkrum sai ni a lapran e kaleng taw nga ai, shi a hpyenla ni a lup sung hku ni mung shi a grup yin e nga nga ma ai. Shanhte yawng gaw matu gadoi n hkam ma ai, yawng hte mung majan hta sat kau hkrum nga masai. Shanhte gaw asak naw hkrung nga yang, hkrit hpa lam hpe shapraw ti mung, ya chyawm gaw majan hta sat kau hkrum sai ni a gam maka hpe karan ya ai lam rai nga ai.

EZEKELA 32:30

“Dingdung maga de na hkawhkam kasha ni ngu ai Sidon masha ni yawng mung dai shara hta nga nga ma ai. Shanhte a n-gun atsam hpe lang mi na aten hta hkrit hpa hku shapraw dan lai wa masai; rai ti mung ya chyawm gaw, matu gadoi n hkam ai sha si kaleng taw nga ai ni hte majan hta sat kau hkrum sai ni hte rau nsung hku de yu wa ai hte kaya kahpa sum hkrum nga ma ai. Shanhte gaw katsan ga de yu wa ai ni hte rau kaya kahpa hkrum nga ma ai.

EZEKELA 34:29

Ngai gaw ga sau rawng ai yi hkauna ni hpe shanhte a lata hta ap ya nna dai mungdan hta hku hku hpang gara ai hpe jahtum kau na nngai. Masha amyu baw ni gaw shanhte hpe galoi mung asawng asang di na mara ai n rai.

EZEKELA 36:15

Masha amyu baw ni mani asawng ai ga dai mungdan hta galoi mung na lu na n rai. Mungdan kashu kasha ni hpe kashun la ai gaw dai mungdan hta galoi mung nga sana n rai. Dai Madu Karai Kasang ngai nan tsun ni ai.”

EZEKELA 39:26

Shanhte hpe jahkrit shama ai ni kadai mung n nga ai sha, shanhte a mungdan hta shim lum ai hte lang mi bai shanu nga lu ai shaloi, ngai hpe gumle gumlau di ai a majaw shanhte kade wa myi man sum hkrum nga ai hpe shanhte malap kau lu na mara ai.

EZEKELA 44:13

Shanhte ni gaw hkinjawng ni zawn ngai hpe daw jau lu na ma ai n rai; ngai hte seng ai chyoi pra ai arai ni hpang de ni sa wa lu na ma ai n rai, Chyoi Pra Htum ai Shara de mung shang lu na n rai. Dai gaw shanhte galaw kau sai matsat shabat amu a matu jaw ai ari ahpri rai nga ai.

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

HABAKU 2:16

Nanhte gaw arawng sadang a malai kaya kahpa hte bai htinggrum da hkrum na marin dai. Nanhte nan lu nang nna ndi nda rai wa na myit dai. Dai Madu gaw nanhte hpe ari gawm lu shangun nna nanhte a arawng sadang sari jahpoi kau hkrum na rai myit dai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.