EZEKELA 32:23 - Jinghpaw Common Language Bible 2009

²³ shanhte a lup sung hku ni gaw katsan ga a sung htum ai shara hta nga nga ma ai. Shi a hpyenla ni yawng gaw majan hta hkrat sum mat ai hkrai rai nna shanhte a lup sung hku ni gaw shi a lup wa grup yin e dingren nga ma ai. Shanhte gaw lang mi na aten hta asak hkrung ai dinghta ga hpe jahkrit shama yu manu ai.

Jinghpaw Hanson Version Bible

²³ shanhte lup ni gaw, jat na ga a tsan htum ai jut e nga nga nna, shi a zaw nawng zaw wa ni dai lup grup yin e dinggreng nga ma ai; nlang hte gaw dinghta ga e hkrithpa tai timung, ya gaw nhtu hte kadawng si ai ni hkrai rai nga ma ai.

EZEKELA 32:23 ပူးပေါင်းရင်းမြစ်များ

YOBA 28:13

Hpaji byeng-ya hpe masha hta mu tam la lu ai n rai; Kadai mung de a teng man ai manu hpe chye lu ai n rai.

SHAKAWN KUNGDAWN 116:9

Dai majaw, hkrung nga ai ni a mungkan hta dai Madu a man e, ngai hkawm nga na nngai.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

SHAKAWN KUNGDAWN 27:13

Ngai naw hkrung nga ai prat hte hta Madu a mai kaja ai lam hpe ngai mu lu na hpe ngai chye nga nngai.

ESAIA 14:17

Mare ni hpe jahten sharun kau nna mungkan ga hpe nam mali shatai kau ai gaw ndai masha wa rai nga a ni? Bawng dung masha ni hpe galoi mung n dat hkraw ai hte shanhte hpe nta de n wa shangun ai wa gaw ndai masha wa rai nga a ni?,” ngu nna san ma ai.

ESAIA 38:11

Ngai gaw ndai ahkrung nga ai mungkan ga hta Dai Madu hpe mung, hkrung nga ai masha kadai hpe mung Galoi mung bai mu lu sana n rai, ngu myit nawn kau nngai.

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 32:32

“Ngai gaw asak hkrung ai ni hpe jahkrit shama na matu Egutu hkawhkam hpe shabyin dat ni ai; rai ti mung shi hte shi a hpyen luksuk ni yawng sat kau hkrum nna, matu gadoi n hkam ai hte majan hta si taw nga ai ni hte rau kaleng taw nga na mara ai.” Tsaw Htum ai dai Madu tsun nu ai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”