EZEKELA 32:22 - Jinghpaw Common Language Bible 2009

²² “Asuri mung gaw dai yang e, grup grup shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai,

Jinghpaw Hanson Version Bible

²² “Asuri hte shi a zaw nawng zaw wa ni yawng, dai yang e nga nga ma ai; de a lup ni gaw grup yin e marawk nga ai: nlang hte gaw nhtu hte kadawng si ai ni rai nga ma ai;

EZEKELA 32:22 ပူးပေါင်းရင်းမြစ်များ

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

EZEKELA 27:23

Haran, Hkane, Eden, Sheba, Asuri, Hkimada mare na hpaga ga ai ni gaw nang hte hpaga ga ma ai.

EZEKELA 32:24

Elam mung gaw dai yang e, shi a grup grup hta shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai; shanhte gaw matu gadoi n hkam la ai sha katsan ga de yu mat wa masai. Shanhte gaw asak naw hkrung nga yang, hkrit hpa lam shapraw ma ti mung, ya chyawm gaw shanhte si taw ai hte myi man sum nga masai.

EZEKELA 32:26

“Meshek yan Tubala hte shan a grup yin e, shan a hpyenla ni a lup sung hku ni mung nga nga ma ai. Shanhte yawng gaw matu gadoi n hkam ai ni rai nna majan hta sat kau hkrum ai ni hkrai rai ma ai. Shanhte gaw asak hkrung ai dinghta ga hpe lang mi jahkrit shama yu masai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”