EZEKELA 32:2 - Jinghpaw Common Language Bible 2009

² Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

Jinghpaw Hanson Version Bible

² “Masha kasha e, Egutu hkawhkam Hpara-u a matu sharung shayawt nna, shi hpe htawn tsun u: Nang gaw maigan amyu ni hta hkanghkyi uram zawn rai nga ndai; rai timung, hka kaba na baren hte sha nang bung ndai; nang gaw na a hka shi hka gai ni hta hpung-yawt hkawm nna, na a lagaw hte, de a hka hkawng ni hpe kapun hkanu shangun ndai.

EZEKELA 32:2 ပူးပေါင်းရင်းမြစ်များ

NINGPAWT NINGHPANG 49:9

Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

YOBA 41:23

Shi a hpyi shan hta kya ai shara n nga nga ai; dai gaw n ju kapru kau ai hpri zawn ja nga ai.

YOBA 7:12

Nang ngai hpe hpa majaw sin nga n ni? Ngai gaw panglai numraw rai nga ai ngu myit nawn da wu ni?

GA SHAGAWP 25:26

Mai kaja ai masha n hkru ai wa a myit ra hkan ya ai gaw, n san seng ai hka hpawk hte gung rawng ai hka htung hpe myit dum shangun nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

GA SHAGAWP 30:30

Dai ni gaw, hkanghkyi: dusat yawng hta n-gun ja htum rai nna kadai hpe mung n hkrit nga ai,

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 46:7

Nila hka nu zawn tung rawt wa nna, hka nu hpungtun zawn de a hkin-gau hpe lip kau ai wa kadai rai nga a ni?

YEREMIA 46:8

Dai gaw Egutu mung rai nna, Nila hka nu zawn tung rawt wa nhtawm, hka nu hpungtun zawn de a hkin-gau ni hpe lip kau nga ai. Egutu gaw, ‘Ngai rawt wa nna mungkan ga hpe ka-up kau na nngai; Ngai gaw mare ni hte dai hta shanu nga ai mare masha ni hpe shaza kau na nngai.

YEREMIA 9:18

Amyu masha ni gaw, “Anhte a myi ni hta myi prwi ni hpring wa ai hte hkrap agru ai majaw anhte a myi hpyi ni madi mat ai aten du hkra, anhte a matu makoi mayang mahkawn mangoi mahkawn hpe alawan sa mahkawn na matu shanhte hpe tsun mu,” ngu nna tsun mu ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

EZEKELA 27:2

“Si chye ai masha wa e, panglai daru nten e nga nna

EZEKELA 27:32

Shanhte gaw na a matu sharung shayawt ai mahkawn hkawn ma ai: ‘Ya panglai ka-ang e atsin sha nga mat sai Turu mare hte kadai wa shabung lu nga a ta?

EZEKELA 28:12

Shi gaw, “Si chye ai masha wa e, Turu hkawhkam a matu ala nga ai hpang jahtum na maka a majaw sharung shayawt nga u. Tsaw Htum ai dai Madu ngai nan tsun nga ai ga shi hpe tsun u: Nang gaw lang mi na aten hta hkum tsup ai a kasi tai lai wa yu nit dai. Nang gaw kade sha hpaji rawng nna tsawm htap nga nit hka!

EZEKELA 29:15

yawng hta n-gun kya htum ai mungdan tai na ra ai, shanhte gaw kaga masha amyu baw ni hpe galoi mung bai up lu na mara ai n rai. Shanhte myit ra ai hku kaga amyu ni hpe n dagup lu mu ga, shanhte hpe kachyi mi mung ahkyak n shatai na we ai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 32:16

Ndai dagam let shadum jahprang ai ga gaw sharung shayawt ai mahkawn tai na ra ai. Masha amyu baw ni a shayi sha ni mung Egutu mung hte de a mung masha ni a matu sharung shayawt ai mahkawn hkawn na mara ai. Tsaw Htum ai dai Madu ngai nan tsun ni ai.”

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 34:18

Nanhte hta na nkau mi gaw kaja htum ai tsingdu tsingman ni hpe sha lu ti mung myit n dik ai hta sha n-ga, nanhte n sha lu ai tsing ni hpe pyi, kabye anut kau nga myit hka! Nanhte gaw san ai hka lu lu nga ti mung, nanhte n lu ai hka hpe kabye hka nu kau nga myit hka!

EZEKELA 38:13

Sheba hte Dedan masha ni mung, Spain mare kahtawng hkan na hpaga ga ai ni mung nang hpe, ‘Lanep kashun la lu na matu, na a hpyen luksuk hpe nang jahpawng tawn nna gasat nga n ni? Ja, gumhpraw, yam nga hte sut gan amyu myu hpe jahten kau na matu nang myit shatawng nga n ni?,’” ngu nna san na mara ai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.