EZEKELA 32:18 - Jinghpaw Common Language Bible 2009

¹⁸ Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

Jinghpaw Hanson Version Bible

¹⁸ “Masha kasha e, Egutu wunawng wuwa ni a matu sharung shayawt nna, shanhte hpe shayu dat u: nsung hku de yu wa ai ni hte hpawn, shi hpe mung, daru magam rawng ai maigan amyu ni a shayi sha ni hpe mung, lamu ga a lawu tsang de shayu dat u.

EZEKELA 32:18 ပူးပေါင်းရင်းမြစ်များ

SHAKAWN KUNGDAWN 30:9

“Nye a si hkrung si htan kaw nna, nang hpa baw akyu hkam la lu na rai nga n ta? Lup sung hku de ngai sa wa ai kaw nna, hpa baw amyat lu la na rai nga n ta? Si sai masha ni nang hpe shakawn lu nga ma ni? Na a n shut n shai chye ai mai kaja lam hpe, shanhte tsun dan lu na ma ni?

SHAKAWN KUNGDAWN 63:9

Ngai hpe sat na matu shakut shaja ai ni gaw katsan ga de yu mat wa na mara ai.

ESAIA 14:15

Rai ti mung shing rai galaw lu na malai, nang gaw katsan ga a sung htum ai shara hta jahkrat bang kau ai hkrum nga nit dai.

ESAIA 16:9

Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

EZEKELA 31:16

Ngai gaw dai hpe Katsan ga de shayu kau dat ai shaloi, de a sum kadawng mat ai a wu kadu ai nsen gaw amyu masha ni yawng hpe gari ashun shangun na ra ai. Eden sun e tu ai hpun ni yawng hte mungkan ga a lawu tsang de yu mat wa sai dai hka hkru hkra lu lu ai Lebanon a hpun ni mung dai hkrat sum ai amu hta awng sharawng nga na mara ai.

EZEKELA 32:12

Gumshem ai masha amyu baw ni kaw na hpyenla ni shanhte a nhtu ni shaw nna na a masha yawng hpe sat kau shangun na nngai. Na a masha ni yawng hte nang gumrawng ai arung arai mahkra gaw hten mat na mara ai.

EZEKELA 32:16

Ndai dagam let shadum jahprang ai ga gaw sharung shayawt ai mahkawn tai na ra ai. Masha amyu baw ni a shayi sha ni mung Egutu mung hte de a mung masha ni a matu sharung shayawt ai mahkawn hkawn na mara ai. Tsaw Htum ai dai Madu ngai nan tsun ni ai.”

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

EZEKELA 32:21

N-gun ja htum ai share ninghkrin ni hte Egutu masha ni maga de majan gasat lawm nga ai ni gaw katsan ga de yu wa na matu Egutu masha ni hpe hkalum la nga ma ai. Shanhte gaw, ‘Majan hta sat kau hkrum sai dai n kam n sham ai ni gaw ndai shara de du nga sai hte kaleng taw nga ma hka!,’ ngu nna jahtau tsun ma ai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.