EZEKELA 32:16 - Jinghpaw Common Language Bible 2009

¹⁶ Ndai dagam let shadum jahprang ai ga gaw sharung shayawt ai mahkawn tai na ra ai. Masha amyu baw ni a shayi sha ni mung Egutu mung hte de a mung masha ni a matu sharung shayawt ai mahkawn hkawn na mara ai. Tsaw Htum ai dai Madu ngai nan tsun ni ai.”

Jinghpaw Hanson Version Bible

¹⁶ Da ndai gaw sharung shayawt ai ga rai nga nna, amyu baw ni a shayi sha ni gaw, Egutu mung hte de a wunawng wuwa ni a matu, dai ga hkan nna sharung shayawt na mara ai,” nga nna Madu Yehowa tsun ai.

EZEKELA 32:16 ပူးပေါင်းရင်းမြစ်များ

2 SAMUELA 1:17

Dawi gaw Shawlu hte shi a kasha Yonahtan a matu ndai sharung shayawt ga hte mahkawn mangoi nhtawm,

2 HKAWHKAM LABAU 35:25

Myihtoi Yeremia gaw Hkawhkam Yoshia a matu sharung shayawt ga hpe shagawp da nga ai; shi a matu sharung shayawt yang lang ai dai mahkawn gaw mahkawn mangoi chye ai numsha, lasha ni a matu Israela mung hta htung lai langai tai wa sai. Dai mahkawn mangoi hpe shinggyin da ai sharung shayawt laika hta mu lu nga ai.

YEREMIA 9:17

Chyahtum Chyalai N-gun Rawng ai dai Madu gaw, “Hpa byin nga ai hpe myit yu mu! Sharung sharawt chye ai ni sa na matu, shaga mu, makoi mayang mahkawn ni chye mahkawn ai numsha ni hpe shaga mu,” ngu nna tsun ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

EZEKELA 32:18

Shi gaw, “Si chye ai masha wa e, Egutu mung masha yawng a matu sharung shayawt nga u. Shanhte hpe kaga daru magam n-gun rawng ai masha amyu baw ni hte hpawn katsan ga de shayu kau dat u.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.