EZEKELA 32:13 - Jinghpaw Common Language Bible 2009

¹³ Ngai gaw hka la-ing shagu hta nga ai yam nga ni hpe jahten kau na nngai. Masha mung, yam nga mung dai shara na hka la-ing ni hpe galoi mung hka nu lu na mara ai n rai.

Jinghpaw Hanson Version Bible

¹³ Hka kaba ni a makau e shanu nga ai ashu ashan yawng hpe mung, ngai shamyit kau na nngai: htawm hpang e masha lagaw mung, ashu ashan ni a lahkru mung, dai hka ni hpe hkanu na, n rai.

EZEKELA 32:13 ပူးပေါင်းရင်းမြစ်များ

EZEKELA 29:11

Masha mung, yam nga mung dai hku kadai lai lu na n rai, dai mung hta shaning mali shi ning tup kadai mung nga lu na ra ai n rai.

EZEKELA 29:8

Dai rai nna, ngai gaw nang hpe nhtu hte gasat na masha ni lu nngai hte maren, shanhte gaw na a masha ni hte yam nga ni hpe sat kau na mara ai, ngu nna Tsaw Htum ai Madu ngai nan nang hpe tsun nga nngai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

EZEKELA 32:14

Ngai gaw de a hka hpe asim sha nga shangun ai hte jasan nna hka nu ni hpe asim sha lwi shangun na nngai. Tsaw Htum ai dai Madu ngai nan tsun ni ai.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

EZEKELA 34:18

Nanhte hta na nkau mi gaw kaja htum ai tsingdu tsingman ni hpe sha lu ti mung myit n dik ai hta sha n-ga, nanhte n sha lu ai tsing ni hpe pyi, kabye anut kau nga myit hka! Nanhte gaw san ai hka lu lu nga ti mung, nanhte n lu ai hka hpe kabye hka nu kau nga myit hka!