EZEKELA 31:9 - Jinghpaw Common Language Bible 2009

⁹ Ngai gaw dai hpe kung dam ai lakung lakying ni hte shatsawm da ni ai. Dai gaw Karai Kasang a sun ngu ai Eden hta tu ai hpun shagu dai hpe manawn nga ai.

Jinghpaw Hanson Version Bible

⁹ Karai Kasang a sun hta tu ai Eden hpun mahkra gaw, dai hpe manawn ai du hkra, de a gung dam ai lakung lakying ni hte, ngai dai hpe tsawm shangun nngai.

EZEKELA 31:9 ပူးပေါင်းရင်းမြစ်များ

NINGPAWT NINGHPANG 13:10

Lawt gaw grup yin de mada dat yu wu yang, Zoara mare hkrang ai lam dingyang ngu na dai Yawdan Kadit ting hta hka law nga ai rai nna, dai gaw dai Madu a Sun Shing n rai Egutu mung zawn rai nga ai hpe mu wu ai. (Dai gaw Sodom hte Gomora mare ni hpe dai Madu garai n jahten kau yang byin ai lam rai nga ai.)

NINGPAWT NINGHPANG 26:14

Sagu dumsu uhpung hte shangun ma law law shi lu ai majaw Hpilisti masha ni shi hpe yu manawn nga ma ai.

NINGPAWT NINGHPANG 37:11

Yosep a kahpu ni gaw shi hpe yu manawn da mu tim, shi a kawa chyawm gaw dai lam mahkra hpe amyit yu nga wu ai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 55:12

“Nang gaw kabu gara ai hte Babelon kaw na pru wa na rai ndai; nang gaw mare kata kaw na ngwi pyaw sim sa ai hte woi wa ai hkrum na rai ndai. Bum ni hte kawng ni aja awa mahkawn mangoi na mara ai, hpun ni mung kabu gara jahtau garu na mara ai.

EZEKELA 16:14

Ngai gaw nang hpe grai yu tsaw ra na zawn re ai tsawm htap ai ahpraw nsam hte ningja shapraw da ai wa rai nga nngai majaw, nang gaw na a hkum tsup ai ahpraw nsam hte maigan masha amyu baw shagu a man hta kajai gumhkawng ai jan tai wa nit dai.” Ndai mungga hpe Tsaw Htum ai dai Madu tsun ai.

EZEKELA 17:22

Ndai gaw Tsaw Htum ai dai Madu tsun ai mungga rai nga ai: “Ngai gaw tsaw ai arit hpun ndung la nhtawm kya ai makrung langai di la na nngai; Ngai gaw dai hpe tsaw ai bum ntsa e mung,

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

EZEKELA 28:13

Nang gaw Karai Kasang a sun ngu ai Eden hta nga nga ndai; lung seng amyu shagu ngu ai lung seng hkyeng ni, sein lung seng ni, utahpaya, myek-yoi, chyawng, nagahtoi, nila, mya hte patamya ni hpe ja hta hkrep nna mawn sumli da nga ndai. Nang gaw aja shakya rai ni lu nga ndai. Dai ni hpe nang hpan da hkrum ai shani hta nan, na a matu lajang da nga sai.

EZEKELA 31:16

Ngai gaw dai hpe Katsan ga de shayu kau dat ai shaloi, de a sum kadawng mat ai a wu kadu ai nsen gaw amyu masha ni yawng hpe gari ashun shangun na ra ai. Eden sun e tu ai hpun ni yawng hte mungkan ga a lawu tsang de yu mat wa sai dai hka hkru hkra lu lu ai Lebanon a hpun ni mung dai hkrat sum ai amu hta awng sharawng nga na mara ai.

EZEKELA 31:18

“Dai hpun gaw Egutu hkawhkam hte shi a amyu masha ni yawng rai ma ai. Eden sun hta tu ai hpun ni hta pyi grau tsaw ai hte kung dam nga nit dai. Rai ti mung, ya chyawm gaw, Eden sun hta tu ai hpun ni zawn nang gaw Katsan ga de yu mat wa nna n kam n sham ai ni hte majan hta sat kau hkrum sai ni hte rau kanawn mazum nga lu na rin dai. Tsaw Htum ai dai Madu ngai nan tsun ni ai.”

EZEKELA 36:35

Lang mi na aten hta, nam maling tai mat sai ndai mungdan gaw Eden sun zawn tai nga sai; kashun kashe ashep ashin rai nna hten run mat sai mare ni mung ya chyawm gaw bunghku kum nna masha de nga masai, nga nna masha shagu tsun jahta na mara ai.

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

ZEHKARIA 11:2

Marau hpun ni e, hkrap ai hte sharung shayawt nga mu- arit hpun ni kadawng mat sai; dai shingkang rawng ai hpun ni hten mat sai! Bashan wamyi hpun ni e, hkrap ai hte sharung shayawt nga mu- maling dinggram kran kau nga sai!

1 SAMUELA 18:15

Shawlu gaw Dawi galaw ai amu awng dang nga ai hpe chye jang, shi hpe grau nna pyi hkrit nga ai.