EZEKELA 31:4 - Jinghpaw Common Language Bible 2009

⁴ Dai hpun tu kaba wa shangun na hka nga nga ai, Dai hpe lusha tam jaw na ga npu na hka nu ni nga nga ai Shanhte gaw dai hpun tu nga ai shara hta hka jaw ma ai. Nam maling na hpun ni yawng hpang de hka shi ni lwi shangun da nga ai.

Jinghpaw Hanson Version Bible

⁴ Ahka majaw dai kaba wa nna, sung ai hka majaw tsaw la wa ai; hka shi hka gai ni de a grup yin e lwi nga ma ai; de a hka hkawng ni pa ga na hpun mahkra hpang de lwi bra nga ai.

EZEKELA 31:4 ပူးပေါင်းရင်းမြစ်များ

GA SHAGAWP 14:28

Hkawhkam wa a hkik hkam galu kaba ai lam gaw shi up hkang nga ai mung shawa masha gade law nga ai a ntsa e, madung nga ai; shanhte n lawm yang, shi kaman sha rai nga ai.

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.

EZEKELA 17:5

Dai hpang, shi gaw Israela mungdan na hkai bawng baw la nna dai hpe ga sau rawng nhtawm tu kaba wa shangun na hka tut nawng jaw ya lu ai shara hta hkai da wu ai.

EZEKELA 17:7

Htat ai u mun law law tu nna, galu kaba ai singkaw tu ai galang kaga langai mi mung nga ai. Ya dai sabyi ru gaw galang hpang de, shi a ru ni hkram sa wa ai hte alap ni mung shi hpang de man yawng nga ai. Dai sabyi ru gaw shi tu kaba wa ai sun hta grau nna hka lu lu na myit mada nga ai.

EZEKELA 17:8

Rai ti mung, dai sabyi ru hpe ga sau kaja nna hka hkru hkru lu lu ai lamu ga hta hkai da mu ai; dai sabyi ru gaw alap ni lali wa nna asi si wa nhtawm hpun ru kaja tai nga ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.