EZEKELA 30:9 - Jinghpaw Common Language Bible 2009

⁹ Dai nhtoi du ai shaloi, Egutu gaw jahten shaza kau hkrum nga sai, ngai gaw hpa n nawn ai Ehtiopi masha ni hpe myit shalau ya na matu kasa ni hpe sanghpaw li ni hte shangun dat na nngai. Shanhte gaw hkrit gari na mara ai. Dai nhtoi gaw du wa ra ai!”

Jinghpaw Hanson Version Bible

⁹ Dai shani e, hpa n nawn ai Hkusha masha ni hpe jahkrit shama na matu, ngai shangun dat ai kasa ni gaw, sanghpaw li hte pru sa wa nna, Egutu mung ari hkrum ai shani na zawn, Hkusha masha ni myit ru na mara ai: gaja wa, dai gaw du ra ai,” nga ai.

EZEKELA 30:9 ပူးပေါင်းရင်းမြစ်များ

ESAIA 19:17

Egutu masha ni gaw Chyahtum Chyalai N-gun rawng ai dai Madu gaw shanhte a matu hkyen lajang ya nu ai hpang jahtum na lam hpe shanhte aten shagu myit dum nga ma ai majaw Yuda hpe hkrit kajawng na mara ai.

ESAIA 20:3

Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

ESAIA 20:5

Ehtiopi mung hpe kam hpa ai ni hte Egutu mung hte seng nna shakawng gumrawng ai ni gaw mak mat na mara ai, shanhte a myit mada ai lam ni mung gamang mat na mara ai.

ESAIA 23:5

Turu mare jahten shaza kau hkrum sai lam hpe shanhte chye ma ai shaloi, Egutu masha ni pyi kajawng ai hte hkrit gari mat na mara ai.

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

YEREMIA 49:21

Edom mung hkrat sum mat ai shaloi, dai mung na hkrat sum mat ai nsen gaw mungkan ga ting hpe ashun awam nga nna, dai hkrit kajawng shangun ai shabam nsen hpe Nawng Hkyeng du hkra na na mara ai.

YEREMIA 49:31

‘Sa marit! Myit sim myit sa hte shim nga ai ndai masha ni hte mare chyinghka ni mung, mare htinggrang ni mung, makawp maga lam hpa mung n nga ai shanhte a mare ni hpe anhte gasat ga,’ ngu nna tsun wu ai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

EZEKELA 27:35

Panglai hkin-gau mayan hku shanu nga ai ni mung nang hta hkrum hkra ai lam a majaw, mau kajawng mat ma ai. Shanhte a hkawhkam ni pyi hkrit gari ai hte myi man ni hta nshung si ni hprwi rai ma ai.

EZEKELA 33:33

Rai ti mung, nang tsun ai ga ni yawng teng tup wa ai shaloi, dai ni yawng teng teng byin wa na ra ai. Dai shaloi, myihtoi wa gaw shanhte hta e nga nga ai hpe shanhte chye lu na mara ai,” ngu nna tsun wu ai.

EZEKELA 38:11

Makawp maga lam hpa mung n nga ai hte mare bunghku n kum da ti mung, ngwi pyaw sim sa ai hte shim lum ai hku amyu masha ni tinang hkrai asan apan rai shanu nga ai mungdan hpe shang gasat na matu nang myit daw dan na rin dai.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

AMO LAIKA (AMOS) 4:2

Tsaw Htum ai dai Madu gaw chyoi pra nga ai hte maren, shi gaw, “Shanhte gaw nanhte hpe chyinghkyi ni hte garawt mat wa ai shaloi, dai nhtoi ni du wa na ra ai; nanhte kaw na marai shagu hte gaw myek hta lu ai nga zawn tai mat na rai myit dai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

ZEHPANI 2:12

Dai Madu gaw Ehtiopi masha ni hpe mung si wa na myit dai, ngu wu ai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

TARA AGYI 18:7

Dai marai manga hte gaw pru mat wa nhtawm Laisha mare de sa wa ma ai. Dai yang e nga ai masha ni gaw Sidon masha ni zawn kade sha shim ai hte nga nga ma ai hpe shanhte sa mu ma ai. Shanhte gaw kadai hte mung ga li ga law, ndang kalang n nga ai sha, ngwi pyaw sim sa ai hte nga nga ai masha ni rai nga ma ai; shanhte hta ra kadawn ai lam hpa mung n nga ma ai. Shanhte gaw Sidon masha ni hte tsan gang ai shara hta nga nga ma ai rai nna kaga masha kadai hte mung makyit mahkai ai lam n nga ma ai.