EZEKELA 30:4 - Jinghpaw Common Language Bible 2009

⁴ Egutu mung hta e hpyen majan byin wa na ra ai, Ehtiopi mung hta myit ru lam kaba pru na ra ai. Egutu mung hta law law wa sat kau ai hkrum na mara ai; Mungdan gaw hpya kau hkrum ai hte Hten run taw nga na ra ai.

Jinghpaw Hanson Version Bible

⁴ Nhtu tsin-yam gaw Egutu mung ntsa e du nna, hkala nba hkrum ai ni gaw, Egutu mung hta kadawng taw ma yang, Hkusha mung gaw myit ru na ra ai: shanhte gaw shi a wunawng wuwa ni hpe woi la kau nna, shi a npawt nhpang ni agrawp mat ai hkrum na ra ai.

EZEKELA 30:4 ပူးပေါင်းရင်းမြစ်များ

ESAIA 16:7

Moba masha ni gaw shanhte hkam sha ai nni nkri a majaw hkrap wa na mara ai. Shanhte yawng gaw Kira-Heresha mare hta sha ga sai lusha kaja hpe dum wa ai shaloi hkrap wa na mara ai. Shanhte gaw myit htum myit chyum hkrum na mara ai.

ESAIA 18:1

Ehtiopi mung na hka nu ni a wora hkran maga mi de, singkaw ni kahprup ai nsen na lu ai mungdan langai nga nga ai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 20:3

Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

YEREMIA 46:9

Hpyen gumra ni pru sa nna, hpyen leng ni hkawm taleng nga na hkang dat nu ai! Ehtiopi mung hte Libya mung na hpyen ninggang ni hpe lang nga ai hpyenla ni hte Ludi mung na ndan chye shachyen ai masha ni pru wa mu ga,’” ngu nna tsun wu ai.

YEREMIA 50:15

Mare grup yin yawng hkan e majan nsen sharawt mu! Ya chyawm gaw Babelon mung hkrat sum mat sai. Shi a mare bunghku ni daw agrawp mat nna run mat nu ai. Ngai gaw Babelon masha ni hpe matai dawp nga nngai majaw, nanhte mung matai dawp la mu, shanhte gaw kaga ni hpe di kau mu ai hte maren, shanhte hpe mung di mu.

EZEKELA 28:23

Ngai gaw nang hpang de ana zinli dat dat nna na a nmaw lam ni hkan sai hka lwi shangun na nngai. Nang gaw man maga shagu de na gasat gala ai hkrum nna na a masha ni mung sat kau hkrum na mara ai. Dai hpang, ngai nan dai Madu rai nga nngai hpe shanhte chye lu na mara ai.”

EZEKELA 29:12

Ngai gaw Egutu mung hpe ndai mungkan hta shingran katsi dik ai shara shatai kau na nngai; Egutu mung na mare ni gaw kaga hten run mat sai mare ni hta shaning mali shi ning tup marawng marang rai hten run taw mat na ra ai. Ngai gaw Egutu masha ni hpe hprawng shingbyi hkrum ai masha ni shatai kau na we ai. Shanhte gaw mungdan shagu de hprawng bra mat wa nna, maigan masha amyu ni a lapran e shanu nga na mara ai.”

EZEKELA 29:19

Dai rai nna, ndai gaw Tsaw Htum ai dai Madu ngai nan tsun nga ai mungga rai nga ai: Ngai gaw Egutu mung hpe Babelon Hkawhkam Nebuhkadneza a lata de ap ya na nngai. Shi gaw lanep hpya la nna, Egutu mung na sut gan yawng la wa na ra ai, dai gaw shi a hpyen luksuk ni a shabrai tai na ra ai.

EZEKELA 29:8

Dai rai nna, ngai gaw nang hpe nhtu hte gasat na masha ni lu nngai hte maren, shanhte gaw na a masha ni hte yam nga ni hpe sat kau na mara ai, ngu nna Tsaw Htum ai Madu ngai nan nang hpe tsun nga nngai.

EZEKELA 38:5

Persi, Ehtiopi hte Libya mung na masha ni mung shi hte rau rai nna, shanhte yawng ninggang hte hpri gupchyawp ni lu shajang nga ma ai.

Daniela 11:43

Shi gaw Egutu mung na makoi da ai ja gumhpraw hte kaga manu dan ai sut gan rai ni hpe magawn mat wa ya na ra ai. Libya hte Ehtiopi mung hpe mung shi dang la na ra ai.

ZEHPANI 2:12

Dai Madu gaw Ehtiopi masha ni hpe mung si wa na myit dai, ngu wu ai.