EZEKELA 30:3 - Jinghpaw Common Language Bible 2009

³ Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

Jinghpaw Hanson Version Bible

³ Dai nhtoi ni sa, gaja wa, Yehowa nhtoi ni sai; dai gaw sumwi htat ai shani, maigan amyu ni matu madat da ai aten, rai na ra ai.

EZEKELA 30:3 ပူးပေါင်းရင်းမြစ်များ

SHAKAWN KUNGDAWN 110:6

Shi gaw masha ni hpe tara dara na ra ai hte, majan pa ni hta masha mang ni hte jahpring da na ra ai; mungkan ting na hkawhkam ni hpe shi agrawp kau na ra ai.

SHAKAWN KUNGDAWN 37:13

Rai ti mung, tara n lang ai ni gaw kade n na yang, jahten kau ai hkrum mat na hpe Madu chye nga ai majaw, shi shanhte hpe mani nga ai.

PRU MAT 14:20

dai gaw Israela hte Egutu masha ni a lapran e din shadang ya nga ai. Dai sumwi shadaw gaw Egutu masha ni hpang maga de nsin sin ya wu ti mung, Israela masha ni hpang maga de chyawm gaw nhtoi jaw ya nga ai; shing rai hpyen luksuk ni shana tup shada da n lu matut mahkai ma ai.

PRU MAT 14:24

Dai Madu gaw jahpawt manap nhtoi hprim hpram re ai aten e, wan shadaw hte sumwi shadaw kaw na Egutu hpyen hpung ni hpe gum yu let, shanhte hpe hkrit kajawng shangun wu ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

YEREMIA 25:31

shi a ngoi kadu ai nsen gaw mungkan ga a jahtum de du hkra hpungtang kashaw mat wa na ra ai. Dai Madu gaw masha amyu baw ni hte amu rawng nga ai. Shi gaw tara jeyang na matu amyu masha ni yawng hpe woi la na ra ai, n shawp n kap ai ni hpe sat kau na ra ai, nga nna Dai Madu tsun nu ai,’” ngu nna tsun lu na rin dai.

EZEKELA 13:5

Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

EZEKELA 29:12

Ngai gaw Egutu mung hpe ndai mungkan hta shingran katsi dik ai shara shatai kau na nngai; Egutu mung na mare ni gaw kaga hten run mat sai mare ni hta shaning mali shi ning tup marawng marang rai hten run taw mat na ra ai. Ngai gaw Egutu masha ni hpe hprawng shingbyi hkrum ai masha ni shatai kau na we ai. Shanhte gaw mungdan shagu de hprawng bra mat wa nna, maigan masha amyu ni a lapran e shanu nga na mara ai.”

EZEKELA 30:18

Ngai gaw Egutu mung a daru magam n-gun hpe shadaw kau nna shanhte grai gumrawng gumtawng ai n-gun atsam hpe jahtum kau ya ai shaloi, Tahpan mare a ntsa e, nsin sin wa na ra ai. Sumwi gaw Egutu mung hpe ka-up kau na ra ai; shi a mare masha ni yawng mung bawng woi la hkrum na mara ai.

EZEKELA 32:7

Ngai nang hpe jahten shaza kau ai shaloi, sumsing lamu hpe ngai magap kau nna, shagan ni hpe mung la kau na nngai. Ajan gaw sumwi a shingdu e makoi nga nna shata mung nhtoi n jaw lu na ra ai.

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

EZEKELA 7:19

Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

EZEKELA 7:7

Mungdan hta shanu nga ai amyu masha ni e, na a matu jahtum aten du ra ai. Dai aten gaw ni magang wa ra ai; bum ntsa hkan na nawku ai shara ni hta awng padang masat poi galaw ai lam nga na ra ai n rai, kashuk kashak chyu sha byin ai aten du na ra ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

OBEDIA 1:15

“Dai Madu ngai gaw masha amyu baw ni hpe tara jeyang na nhtoi ni wa nga sai. Edom e, nang galaw nit dai hte maren, nang bai hkam sha ra na rin dai. Nang jaw ya nit dai hte maren, nang bai hkam la lu na ra ai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

MAHTE 24:33

Dai hte maren, nanhte gaw dai byin wa ai lam yawng hte hpe mu myit dai shaloi, dai ahkying aten gaw ni ra ai rai nna, dai Masha Kasha du na jin jin rai sai hpe chye na nga mu.

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.