EZEKELA 30:2 - Jinghpaw Common Language Bible 2009

² Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

Jinghpaw Hanson Version Bible

² “Masha kasha e, myihtoi htoi nna htawn tsun u, ‘Madu Yehowa ning nga ai: Du ra ai nhtoi gaw dingnye nga ai law, ngu nna shabam u.

EZEKELA 30:2 ပူးပေါင်းရင်းမြစ်များ

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 16:7

Moba masha ni gaw shanhte hkam sha ai nni nkri a majaw hkrap wa na mara ai. Shanhte yawng gaw Kira-Heresha mare hta sha ga sai lusha kaja hpe dum wa ai shaloi hkrap wa na mara ai. Shanhte gaw myit htum myit chyum hkrum na mara ai.

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

ESAIA 23:6

Hponisha masha ni e, yawn hkyen ai hte hkrap sharung nga mu! Spain mung de hprawng lawt mat wa na matu shakut mu!

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

YEREMIA 47:2

Shi gaw, “Yu mu! Dingdung shara hta hka ni rawt tung nga ai, dai gaw hka nu hpungtun zawn agre yu wa na ra ai. Dai gaw mungdan hpe mung, dai hta rawng marawng ni hpe mung, mare ni hte dai mung hta shanu nga ai amyu masha ni hpe mung ka-up kau na ra ai. Amyu masha ni mung karum la na matu tsun jahtau na mara ai; ginding aga ntsa na masha shagu hte gaw ahkup ahka nga hkra hkrap na mara ai.

EZEKELA 21:12

Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

EZEKELA 30:1

Dai Madu gaw ngai hpe bai ga shaga wu ai.

YOELA 1:11

Yi, hkauna galaw ai ni e, yawn nga mu; hkaulan mam, muk-yaw mam, rai sa, nsi naisi nga manga yawng hten za mat ai majaw, sabyi sun lajang ai ni jahtau hkrap nga mu.

YOELA 1:5

Tsa chyaru ya ni e, yup hprang ai hte hkrap nga mu; sabyi lu nang ai ni e, jahtau hkrap nga mu; sabyi ntsin nnan galaw na sabyi si ni hten mat sai.

ZEHPANI 1:11

Hpaga ga ai masha ni yawng si htum mat ma sai majaw, mare a lawu maga de nga ai nanhte gaw dai lam na ai shaloi, hkrap shabam nga myit dai!

ZEHKARIA 11:2

Marau hpun ni e, hkrap ai hte sharung shayawt nga mu- arit hpun ni kadawng mat sai; dai shingkang rawng ai hpun ni hten mat sai! Bashan wamyi hpun ni e, hkrap ai hte sharung shayawt nga mu- maling dinggram kran kau nga sai!

YAKU 5:1

Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.