EZEKELA 30:12 - Jinghpaw Common Language Bible 2009

¹² Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

Jinghpaw Hanson Version Bible

¹² Ngai gaw hka nu hka shi ni hpe shahkyet kau nna, dai mungdan hpe n hkru ai ni a lata hta dut kau na nngai; mungdan hte dai hta rawng marawng hpe, tsasam masha ni a lata hte, ngai shaza kau na nngai: ngai Yehowa nan dai ga tsun ni ai.”

EZEKELA 30:12 ပူးပေါင်းရင်းမြစ်များ

ESAIA 44:27

Hkang da ai ga hte maren, ngai gaw nammukdara hpe jahkyet nngai.

YEREMIA 50:38

Dai mung a ntsa e jan gri ai hte dai mung na hka nu ni hkun hkraw mat na ra ai. Babelon mung gaw hkrit hpa hpara sumla ni nga ai mung re, dai gaw mung masha ni hpe angawk angak di kau nga ai.

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.

EZEKELA 28:10

Nang gaw karai kata ai tsasam masha ni a lata hta gwi zawn si na rai ndai. Tsaw Htum ai dai Madu ngai nan hkang da ni ai.”

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 31:12

Gumshem ai maigan masha ni mung dai hpe kran kadawng kau nna tawn da na mara ai. De a lakung lakying ni hte daw agrawp mat sai hpun daw hpun shan ni gaw bum shagu a ntsa e mung, mungdan na kadit shagu hta mung hkrat taw nga na ra ai. De a hpun shingnip hta nga lai wa yu sai masha amyu baw ni yawng mung pru mat wa na mara ai.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

1 KORINHTU 10:26

Hpa majaw nga yang, “Lamu ga hte hpawn, dai hta na nga manga hte gaw, dai Madu a hkrai rai nga ai,” nga nna Chyum Laika hta tsun nga ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.