EZEKELA 30:11 - Jinghpaw Common Language Bible 2009

¹¹ Shi hte shi a gumshem ai luksuk ni gaw dai mung hpe agrawp jahten kau na matu du sa na mara ai. Shanhte gaw Egutu mung hpe nhtu ni hte gasat nna dai mung gaw si mang ni hte hpring nga na ra ai.

Jinghpaw Hanson Version Bible

¹¹ Dai mung hpe jahten na matu, shi hte shi a amyu masha ni hte hpawn, maigan amyu masha ni hta gumshem ai ni hpe ngai woi jashawn nna, shanhte gaw tinang a nhtu shaw nna, Egutu mung hpe si mang hte jahpring na mara ai.

EZEKELA 30:11 ပူးပေါင်းရင်းမြစ်များ

EZEKELA 28:7

nang hpe gasat na matu, gumshem ai gumlau hpyen ni hpe ngai woi sa wa na nngai. Shanhte gaw na a kung kyang ai hpaji hte hpaji byeng-ya hte lu tawn ai tsawm htap ai arung arai ni yawng hpe jahten sharun kau ya na mara ai.

EZEKELA 30:24

Dai hpang, ngai gaw Babelon hkawhkam wa a lahpum hpe n-gun shaja ya nna nye a nhtu hpe mung shi a lata hta ap ya na nngai. Rai ti mung Egutu hkawhkam a lahpum hpe chyawm gaw agrawp kau ya na nngai; shi gaw shi a gumlau hpyen ni a man e madai ai hte si mat na ra ai.

EZEKELA 31:11

dai majaw ngai gaw dai hpe ningdang kau ni ai, maigan up hkang du wa e dai hpe ka-up la nu ga. Dai wa gaw de a n hkru n shawp ai a matu lu la ging ai hte maren, dai hpun hpe jaw na ra ai.

EZEKELA 31:12

Gumshem ai maigan masha ni mung dai hpe kran kadawng kau nna tawn da na mara ai. De a lakung lakying ni hte daw agrawp mat sai hpun daw hpun shan ni gaw bum shagu a ntsa e mung, mungdan na kadit shagu hta mung hkrat taw nga na ra ai. De a hpun shingnip hta nga lai wa yu sai masha amyu baw ni yawng mung pru mat wa na mara ai.

EZEKELA 32:12

Gumshem ai masha amyu baw ni kaw na hpyenla ni shanhte a nhtu ni shaw nna na a masha yawng hpe sat kau shangun na nngai. Na a masha ni yawng hte nang gumrawng ai arung arai mahkra gaw hten mat na mara ai.

EZEKELA 35:8

Ngai gaw bum ni hpe si mang ni hte jahpring da nna, majan hta sat kau hkrum sai ni a moi mang ni kawng ni hte hkaraw kadit ni hta hpring nga na mara ai.

EZEKELA 39:4

Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

TARA JAHPRANG 28:50

Shanhte gaw gumshem nga ma ai rai nna, asak kaji kaba n nga, kadai hpe mung matsan dum ai myit madun dan nga ma ai n rai.