EZEKELA 3:8 - Jinghpaw Common Language Bible 2009

⁸ Ya chyawm gaw, shanhte adu ja nga ma ai zawn ngai nang hpe adu ja shangun na nngai.

Jinghpaw Hanson Version Bible

⁸ Yu u, shanhte a myi man htat ai majaw, na a myi man hpe ngai htat shangun nngai, shanhte a lahtan ja ai majaw, na a lahtan hpe ngai shaja ni ai.

EZEKELA 3:8 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

ESAIA 50:7

Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

YEREMIA 1:18

Yeremia e, madat u! Ndai mungdan na masha hkum shagu hte Yuda hkawhkam ni, du salang ni, hkinjawng ni hte amyu masha ni gaw nang hpe gumlau na mara ai. Rai ti mung ngai gaw nang hpe shanhte hpe ninghkap na n-gun dai ni jaw ya nga nngai; nang gaw bunghku kum ai mare, hpri shadaw hte magri mang shakum zawn tai na ra ai. Nang hpe makawp maga na matu ngai gaw nang hte rau rai nga nngai majaw shanhte nang hpe dang kau lu na ma n rai. Dai Madu ngai nan tsun ni ai,” ngu nna tsun wu ai.

YEREMIA 15:20

Ngai gaw nang hpe shanhte hte seng nga dingsa, ngang ai magri mang bunghku zawn shatai na we ai. Shanhte gaw nang hpe gasat na mara ai, rai ti mung shanhte gaw nang hpe dang na mara ai n rai. Nang hpe makawp maga la na hte shim nga lu na matu, ngai nang hte rau arai nga na nngai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

EZEKELA 3:7

Rai ti mung, Israela amyu masha ni kadai mung na a ga hpe madat ya na ma ai n rai; shanhte gaw nye a ga hpe pyi madat ma ai n rai. Shanhte yawng gaw adu ja ai hte ninghkap chye nga ma ai.

EZEKELA 3:9

Ngai gaw nang hpe ngang ai lunghkrung hte ja ai lung seng zawn shaja ya na nngai; ndai gumlau ai masha ni hpe hkum hkrit et,” nga nna tsun wu ai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.