EZEKELA 3:3 - Jinghpaw Common Language Bible 2009

³ Shi gaw, “Si chye ai masha wa e, ngai nang hpe jaw ai ndai laika katsu hpe sha u; dai hte na a kan jahpring u,” ngu nna tsun ai. Ngai mung dai hpe sha nngai, dai gaw lagat ntsin zawn dwi nga ai.

Jinghpaw Hanson Version Bible

³ Shaloi shi gaw, “Masha kasha e, ngai nang hpe jaw ai ndai laika katsu hpe sha kau nna, na a kan hpe jahpring u,” nga nna tsun ai hte maren ngai sha nngai: dai gaw nye a n-gup hta e lagat jahku zawn dwi nga ai.

EZEKELA 3:3 ပူးပေါင်းရင်းမြစ်များ

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 119:103

Nang sharin shaga ai ga matsun ni gaw kade wa dwi nga a hka! Dai gaw lagat jahku hta pyi grau nna dwi nga ai.

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 119:97

Na a tara hpe ngai kade wa tsaw ra nga a hka! Dai lam hpe shani tup ngai myit sawn yu nga nngai.

SHAKAWN KUNGDAWN 19:10

Dai ni gaw ja jet hta grau nna ra sharawng mai nga ai hte lagat jahku jet hta grau dwi nga ai.

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

EZEKELA 2:10

Dai lata hta rawng ai laika katsu hpe hpyan dat yang, laika man lahkawng maga hta ka da ai yawn hkyen hkrap ngu hkrap ngoi nsen ga, hkrap agru ai nsen hte yawn madai sharung shayawt ai ga ni hte ka da ai hpe ngai mu nngai.

EZEKELA 2:8

“Si chye ai masha wa e, ngai nang hpe tsun ai ga hpe madat u. Shanhte zawn gumlau na myit hkum rawng nga et. Na a n-gup hpaw nna ngai nang hpe jaw na arai hpe sha u,” ngu tsun ai nsen hpe na nngai.

EZEKELA 3:4

Dai hpang Karai Kasang gaw, “Si chye ai masha wa e, Israela amyu masha ni hpang de sa nna ngai nang hpe tsun ai ga hpa hpe rai tim, shanhte hpe tsun dan u.

YAWHAN 7:38

Chyum laika hta tsun ai hte maren, ngai hpe kam sham ai wa a kraw lawang kaw nna asak hkrung ai ntsin hka hpawk ni lwi pru na ra ai,” ngu nna nsen kaba hte jahtau tsun wu ai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.