EZEKELA 3:25 - Jinghpaw Common Language Bible 2009

²⁵ Si chye ai masha wa e, nang gaw sumri ni hte gyit hkang da hkrum na rai ndai, shawa hpawng de nang pru sa lu na ra ai n rai.

Jinghpaw Hanson Version Bible

²⁵ Nang, masha kasha e, yu u, shanhte nang hpe rim la nna, sumri hte gyit hkang hkrum ai majaw, nang shanhte hta kawan hkawm lu na n rai:

EZEKELA 3:25 ပူးပေါင်းရင်းမြစ်များ

YEREMIA 15:17

Ngai gaw nye a aten hpe kaga masha ni hte mani sengbreng hkawm nna aten shama kau ai n rai. Na a hkang da ai ga ni hpe madat mara na matu ngai hkrai sha nga nga nna masin kahtet ai hte hpring nga nngai.

EZEKELA 4:8

Ngai nang hpe sumri hte gyit hkang da na nngai, nang gaw dai mare hpe wang da ai nhtoi htum mat ai aten du hkra na a hkum hpe manga mi kaw nna maga mi de kayin lu na n rai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

YAWHAN 21:18

Nang hpe ngai kaja wa teng teng tsun de ga, nang shabrang nga ai hte yang, nang hkyen lajang shajin la nna sa mayu ai shara shagu de sa chye ndai; rai ti mung nang dingla wa jang chyawm gaw, na a lata yan hpe nang lalam nna, masha kaga langai ngai nang hpe hkyen lajang shajin ya nhtawm, nang n sa mayu ai shara de woi sa na rin dai,” ngu nna shi hpe tsun wu ai.

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.