EZEKELA 3:21 - Jinghpaw Common Language Bible 2009

²¹ Nang gaw mai kaja ai wa hpe yubak n galaw hkrup na matu shadum jahprang nna, shi gaw na a ga madat let yubak n galaw ai rai yang, shi asak hkrung nga na ra ai, na a asak mung lawt lu na ra ai,” ngu nna tsun wu ai.

Jinghpaw Hanson Version Bible

²¹ Shing n rai, dinghpring ai wa gaw yubak n galaw hkra, nang shi hpe shadum jahprang nga ai rai yang, shadum jahprang ai ga madat ai majaw, shi teng teng hkrung nga na ra ai; nang mung na a asak hpe hkrang la nu ai, nga ai.

EZEKELA 3:21 ပူးပေါင်းရင်းမြစ်များ

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

GA SHAGAWP 17:10

Zai byeng-ya rawng ai masha wa, kalang mi daru hkrum ai kaw na sharin la ai gaw, angawk ai wa shingna lasik latsa lang kayat hkrum sha nna sharin la ai hta grau nga ai.

GA SHAGAWP 9:9

Hpaji rawng ai masha wa hpe nang tsun dan ai hpa lam rai tim, shi hpe grau hpaji chye shangun nga ai; ding hpring ai masha langai mi hpe nang tsun shaga ai hpa rai tim, shi a machye machyang hpe hpung jat shangun nga ai.

EZEKELA 33:9

Nang gaw n hkru ai wa hpe shadum jahprang ai lam galaw ti mung, yubak galaw ai lam hpe shi n jahkring ai rai yang, yubak kap ai wa naw rai nga ai majaw, shi si na rai wu ai, rai ti mung na a asak gaw lawt lu na ra ai.”

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

1 KORINHTU 10:12

Dai rai nna marai langai ngai gaw, tinang a hkum hpe ding hpring kangka ai hta ngang ngang tsap nga ai wa rai nga nngai, nga nna myit yang gaw, shi n kadawng na matu sadi nga u ga.

1 KORINHTU 4:14

Nanhte hpe kaya jahkrum na matu ndai lam ngai ka nngai n rai; ngai tsaw ngai ra ai nye a kashu kasha ni hpe zawn ngai nanhte hpe shadum jahprang made ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

YAKU 5:20

Kadai rai ti mung yubak lu ai wa langai mi hpe shi a shut hpyit ai hta na shabai dat ai wa gaw yubak lu ai wa a wenyi hpe si ai kaw na hkye hkrang la nna shi hpe yubak mara ni law law kaw na raw dat hkrum na matu galaw ya ai wa rai nga ai hpe dum chye nga mu law.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.