EZEKELA 3:20 - Jinghpaw Common Language Bible 2009

²⁰ “Teng teng mai kaja ai wa gaw n hkru ai amu hpe galaw hpang dat ai rai yang, ngai shi hpe hkrit hpa shoi chyum ai shara hta tawn da na nngai. Nang shi hpe n shadum ai rai yang, shi si na ra ai. Shi galaw shut kau ai yubak mara ni a majaw, shi si na ra ai. Shi galaw sai mai kaja ai amu ni hpe mung, ngai dum ya na nngai n rai; nang gaw shi a si hkrung si htan a matu lit nga nga na ra ai.

Jinghpaw Hanson Version Bible

²⁰ Bai, dinghpring ai wa gaw htak mat nna, dinghpring ai lam yit kau ai hte shut hpyit nga yang, ngai gaw shi a man e ahtu kataw shara tawn da nna, shi si na ra ai; nang shi hpe n shadum ai majaw, dai wa gaw tinang a yubak hta si na ra ai; shi galaw yu ai dinghpring ai amu hpe nawn na n rai: shi a asai hpe chyawm gaw, na a lata na ngai hpyi la na nngai.

EZEKELA 3:20 ပူးပေါင်းရင်းမြစ်များ

2 HKAWHKAM LABAU 24:2

Hkinjawng Yehoiada hkrung nga dingsa dai Madu awng sharawng ai hku shi galaw nga ai.

2 HKAWHKAM LABAU 25:15

Shing re ai amu a majaw dai Madu masin pawt ai rai nna Amazia hpang de myihtoi langai shangun dat wu ai. Shaloi myihtoi wa gaw, “Na a lata kaw nna shanhte a masha ni hpe pyi n dang hkye la lu ai maigan karai ni hpe nang hpa majaw nawku nga n ta?,” ngu nna hpyi tsun wu ai.

SHAKAWN KUNGDAWN 119:165

Na a tara hpe tsaw ra ai ni hkum tsup re ai shim lum ai lam hpe hkam la lu nga ma ai; shing rai, hpa mung, shanhte hpe myit kataw shangun lu na n rai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

GA SHAGAWP 25:12

Madat mara hkam la mayu ai wa hpe, mahkrum madup nga ai wa hku nna shadum jahprang ga tsun dan ai gaw, ja lachyawp hte mung, ja jet hte galaw da ai ja lung seng rai hta grau nna manu dan nga ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

YEREMIA 34:16

Rai ti mung, nang gaw na a myit hpe galai shai kau nhtawm ngai hpe n kaw n law di kau nit dai. Nanhte yawng hte gaw mayam num mayam la ni hpe shanhte myit ra sharawng ai hte maren, nang dat dat kau sai rai tim, bai woi la nna shanhte hpe kalang mi bai atik anang mayam shatai da nit dai.

YEREMIA 6:21

Dai rai nna, ngai gaw ndai amyu masha ni hpe ahtu kataw shangun na nngai. Kanu kawa ni hte ma ni si na mara ai, manang ni hte htingbu ni mung dai zawn byin na mara ai,” ngu nna tsun ai.

EZEKELA 14:3

Shi gaw, “Si chye ai masha wa e, ndai masha ni gaw shanhte a myit masin ni hpe hpara sumla ni kaw ap ya ma ai; dai hpara sumla ni gaw shanhte hpe yubak kata de woi sa wa ma ai. Ngai gaw shanhte hpe mahtai langai jaw na re ngu, shanhte myit nawn da ma ni?

EZEKELA 18:24

“Rai ti mung, ding hpring ai masha langai ngai, mai kaja ai amu galaw nga ai kaw na htak mat ai hte n hkru ai masha ni galaw nga ai matsat shabat amu mahkra hpe hkan galaw ai rai yang, dai wa gaw matut nna hkrung nga lu na rai nga a ni? N rai law, shi galaw yu sai mai kaja ai amu langai mi hpe mung matsing da ya na n rai. Shi galaw ai kang n ka ai amu hte yubak ni a majaw shi si na ra ai.

EZEKELA 18:26

Ding hpring ai wa mai kaja ai amu galaw nga ai kaw na htak mat nhtawm n hkru ai amu hpe galaw hpang ai shaloi, shi si nga ai, shi galaw yu sai n hkru ai amu ni a majaw shi si nga ai.

EZEKELA 3:18

N hkru ai masha gaw si na ra ai ngu nna ngai tsun ndau ti mung, nang gaw shi a lam ni hpe galai shai wa na matu hte shi gaw shi a asak lawt lu nna shim nga lu na matu shi hpe n shadum n jahprang ai rai yang, dai yubak naw kap nga ai wa gaw si na ra ai; rai ti mung, ngai gaw shi a si hkrung si htan a matu nang hta lit nga nga ai.

EZEKELA 33:18

Ding hpring ai wa gaw mai kaja ai amu galaw nga ai hpe kau da nna n hkru n shawp ai amu hpe galaw hpang ai rai yang, dai amu a majaw shi si na ra ai.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

EZEKELA 7:19

Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

MAHTE 18:15

“Na nhpu nnau wa nang hpe shut hpyit kau yang gaw, shi hpang de sa nhtawm shi a mara hpe madun u. Rai ti mung nan lahkawng hkrai chyaw rai nna jahkrum kau u. Na a ga hpe madat la yang gaw na a nhpu nnau wa hpe nang mawai la lu nit dai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

ROMA 11:9

Dawi mung, “Shanhte a lusha poi ni gaw shanhte a matu mahkam dawnggawng zawn tai nna, hkrat sum ai hte ari jaw ai hkrum mu ga.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.