EZEKELA 3:18 - Jinghpaw Common Language Bible 2009

¹⁸ N hkru ai masha gaw si na ra ai ngu nna ngai tsun ndau ti mung, nang gaw shi a lam ni hpe galai shai wa na matu hte shi gaw shi a asak lawt lu nna shim nga lu na matu shi hpe n shadum n jahprang ai rai yang, dai yubak naw kap nga ai wa gaw si na ra ai; rai ti mung, ngai gaw shi a si hkrung si htan a matu nang hta lit nga nga ai.

Jinghpaw Hanson Version Bible

¹⁸ Ngai gaw tara n lang ai wa hpe, Nang teng teng si na ndai, nga nna shi hpe tsun ninglen, nang shi hpe n shadum, tara n lang ai wa asak lawt na matu, nang shi hpe lam madun ai ga n tsun ai nga yang, dai tara n lang ai wa gaw, tinang a yubak hta si wa na ra ai: shi a asai chyawm gaw, na a lata na ngai hpyi la na nngai.

EZEKELA 3:18 ပူးပေါင်းရင်းမြစ်များ

NINGPAWT NINGHPANG 2:17

rai ti mung kaja ai hte n kaja ai hpe chye ginhka shangun ai hpun hta na asi hpe chyawm gaw nang n sha lu na ndai. Dai hpun kaw na nang sha ai rai yang, dai shani jang nang si na rin dai,” ngu nna tsun wu ai.

NINGPAWT NINGHPANG 42:22

Rubin chyawm gaw, “Ma hpe n machyi shangun na matu, ngai tsun ni ai; rai ti mung, nanhte mahtang n madat ya myit dai. Shi a si hkrung si htan a matu, ya anhte ari jaw ai hkrum nga saga ai,” ngu nna tsun wu ai.

2 SAMUELA 4:11

Shi a nta kata e yup nga ai dai ding man ai masha wa hpe n hkru ai masha ni sat kau ai gaw gade wa grau n kaja nga sahka! Shi hpe sat kau nga manit dai majaw ya ngai matai dawp na nngai; nan hpe ndai ginding aga kaw nna seng kau na mawe ai!,” ngu nna htan wu ai.

2 HKAWHKAM 1:4

Dai Madu gaw, ‘Nang machyi nga ndai kaw nna bai mai wa na ndai n rai, nang si na rai ndai!,’” ngu nna tsun ai ngu hkawhkam wa hpe tsun dan u. Shaloi Elia gaw dai Madu hkang da ai hte maren, galaw wu ai rai nna,

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 18:20

Yubak galaw ai wa gaw si na ra ai. Kawa galaw ai yubak ni a majaw kasha hkam ra na n rai, kasha galaw ai yubak ni a majaw kawa hkam na ra ai n rai. Mai kaja ai masha wa gaw shi galaw ai mai kaja ai amu a majaw shagrau sha-a hkrum nna, n hkru ai masha wa gaw shi galaw ai n hkru ai amu a shabrai hpe hkam la na ra ai.

EZEKELA 18:4

Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

EZEKELA 3:20

“Teng teng mai kaja ai wa gaw n hkru ai amu hpe galaw hpang dat ai rai yang, ngai shi hpe hkrit hpa shoi chyum ai shara hta tawn da na nngai. Nang shi hpe n shadum ai rai yang, shi si na ra ai. Shi galaw shut kau ai yubak mara ni a majaw, shi si na ra ai. Shi galaw sai mai kaja ai amu ni hpe mung, ngai dum ya na nngai n rai; nang gaw shi a si hkrung si htan a matu lit nga nga na ra ai.

EZEKELA 33:12

“Ya chyawm gaw, si chye ai wa e, mai kaja ai wa yubak galaw shut ai shaloi, shi galaw sai dai mai kaja ai amu gaw shi hpe hkye hkrang la lu nga ai n rai. N hkru n shawp ai wa gaw shi galaw nga ai n hkru ai amu hpe rap di kau ai rai yang, ari ahpri hkrum na n rai; mai kaja ai wa yubak galaw hkrup ai rai yang, shi asak hkrung nga lu na ra ai n rai, ngu ai ga Israela masha ni hpe tsun u.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

EZEKELA 34:10

Ngai gaw nanhte a hpyen rai nga nngai, ngu nna Tsaw Htum ai dai Madu ngai nan tsun ndau nga nngai. Nye a sagu ni hpe nanhte a lata kaw na ngai la kau nhtawm, nanhte hpe mung shanhte hpe rem ai sagu rem ni zawn galoi mung bai shatai na made ai n rai; nanhte hkum ni hpe lanu lahku na matu pyi, ngai nanhte hpe galoi mung ahkang bai jaw na n rai. Nye a sagu ni hpe nanhte n sha lu myit ga, nanhte a lata kaw nna mawai la na nngai.

BU HKAWM 26:65

Yehpuna a kasha Hkaleb yan Nun a kasha Yawshu hta kaga shanhte gale hte yawng gaw tinang galaw ai amu hte maren, dai nam mali kata e si mat ma ai,” ngu nna dai Madu tsun nu ai.

LUKA 13:3

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, nanhte yawng shanhte zawn si wa na marin dai.

LUKA 13:5

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,” ngu mu ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

KASA 2:40

Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 SAMUELA 8:9

Dai rai nna, shanhte a ga hpe madat ya u, rai ti mung shanhte a hkawhkam ni shanhte hpe kaning di wa na lam hpe chyawm gaw atsawm sha sang lang dan nna shanhte hpe ja ja sadi jaw u,” ngu nna tsun wu ai.