EZEKELA 3:15 - Jinghpaw Common Language Bible 2009

¹⁵ Dai rai nna, ngai gaw Hkebara hka nu makau na bawng dung ai masha ni shanu nga ai Telabiba shara de sa du nhtawm, ngai mu ai hte na sai lam ni hpe mau mat ai majaw, dai shara hta nhtoi sanit ya tup ngai sa nga nga nngai.

Jinghpaw Hanson Version Bible

¹⁵ Shaloi ngai gaw, bawng dung hkrum nna, Hkebara hka kau, Telabiba shara e shanu nga ai ni hpang de sa du nna, dai yang e sanit ya tup mau mat let dung nga nngai.

EZEKELA 3:15 ပူးပေါင်းရင်းမြစ်များ

NINGPAWT NINGHPANG 50:10

Yawdan hka a sinpraw hkran na Atad a chyarang pa e shanhte du shang wa ma yang, shanhte gaw aten galu wa mi ja ja sharung shayawt nga ma ai. Yosep mung yawn hkyen poi hpe sanit ya tup galaw wu ai.

YOBA 2:13

Dai hpang shi hkrum sha nga ai nni nkri kade kaba nga ai hpe shanhte mu ma ai majaw, shanhte gaw dai yang na ga ntsa e shi hte rau sanit ya sanit na tup ga hkaw mi mung n shaga ai sha rau dung nga ma ai.

SHAKAWN KUNGDAWN 137:1

Ziun mare hpe anhte myit dum dat ga ai shaloi, anhte gaw Babelon mung na hka nu, hka shi ni a makau hkan dung nga let, hkrap nga ga ai.

YEREMIA 23:9

Nye a myit masin gaw daw hten mat ni ai, ngai gaw gari ashun nga nngai. Dai Madu a majaw mung, shi a chyoi pra ai mungga ni a majaw mung, ngai gaw chyaru nang ai masha wa hte sabyi ntsin ladu lai hkra lu nang ai masha wa zawn rai nga nngai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 1:3

Dai Babelon mung Hkebara hka nu hka kau e, Madu ngai hpe tsun ai ga na ai hte shi a daru magam n-gun atsam hpe ngai hkam sha ni ai.

EZEKELA 10:15

(Shanhte gaw Hkebara hka nu e ngai mu yu sai hkrung kanu ni hte maren rai ma ai.) Dai hkrung kanu ni nbung hta rawt lung wa nna

EZEKELA 3:23

Dai rai nna, ngai gaw kadit hkam wam de pru sa wa nhtawm dai yang e Hkebara hka kau kaw ngai mu yu sai dai Madu a hpung shingkang dan hkung nga ai hpe ngai mu nngai. Ngai gaw ga de myi man gum dagup da nngai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.