EZEKELA 3:14 - Jinghpaw Common Language Bible 2009

¹⁴ Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

Jinghpaw Hanson Version Bible

¹⁴ Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 3:14 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

1 HKAWHKAM 18:46

Dai Madu a daru magam n-gun gaw Elia kaw du sa nga ai rai nna shi a hpun palawng ni hpe nshang hta ngang ngang kyit let Ahab a shawng e Yezrela mare lam de gat du wa wu ai.

2 HKAWHKAM 2:16

“Nang e n-gun ja ai masha yawng anhte hta manga shi rai nga ga ai. Na a madu hpe sa tam saga. Dai Madu a wenyi gaw shi hpe shapoi mat wa nna bum ntsa hkan e mung, kadit shara nkau mi hkan e mung shi hpe tawn kau da mai nga ai,” ngu nna tsun ma ai. Elisha gaw, “N rai law, nanhte sa lu na myit dai n rai,” ngu nna htan wu ai.

2 HKAWHKAM 3:15

Ya chyawm gaw tingse chye dum ai masha langai mi ngai hpang de shaga wa marit,” ngu nna htan wu ai. Ya tingse dum ai wa dum dat yang, dai Madu a daru magam n-gun gaw Elisha a ntsa e du sa nga ai rai nna,

ESAIA 8:11

Dai Madu gaw shi a daru magam n-gun kaba hte amyu masha ni hkan nga ai lam hta n hkan na matu ngai hpe sadi jaw wu ai. Shi gaw

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

EZEKELA 1:3

Dai Babelon mung Hkebara hka nu hka kau e, Madu ngai hpe tsun ai ga na ai hte shi a daru magam n-gun atsam hpe ngai hkam sha ni ai.

EZEKELA 11:1

Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

EZEKELA 3:12

Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

EZEKELA 37:1

Dai Madu a hpung shingkang gaw ngai hta nga ai rai nna, shi a wenyi gaw ngai hpe woi lakawn mat wa nna, nrut nra ni hte hpring ai kadit shara hta tawn da wu ai.

EZEKELA 40:1

Yerusalem hten run mat ai shi mali ning na mat ai hte anhte bawng dung hkrum ai hkun manga ning a shaning nnan shata a shi ya shani hta, dai Madu a hpung shingkang nye a ntsa e du nna ngai hpe woi wa ai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

EZEKELA 8:1

Anhte a bawng dung ai kru ning na shata kru a manga ya shani e, Yuda mung na bawng dung masha ningbaw ni gaw ngai hte rau nye a nta hta dung nga ma ai. Tsaw Htum ai dai Madu a daru magam n-gun gaw akajawng sha nye a ntsa e du nga ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

YAWHAN 4:1

Yesu gaw Yawhan hta grau law ai masha ni hpe hkalup jaw nna sape shatai la nga ai lam Hparishe ni na ma ai. (

YAWHAN 4:3

Shing rai Yesu gaw Hparishe ni hpa tsun nga ma ai hpe na wu yang, Yuda mung na pru mat wa nna Galile mung de bai wa ai.

YAWHAN 4:9

Dai Samari numsha gaw, “Nang Yuda masha langai mi rai da nhtawm me, ngai Samari numsha kaw gara hku ntsin hpyi lu lu n ta?,” ngu nna htan wu ai. (Yuda masha ni gaw Samari masha ni hte gawm ni, wan ni, n kayau lang ga ma ai.)

KASA 8:39

Shan hka na lung wa ma yang dai Madu a Wenyi Hpilip hpe woi mat wa wu ai. Du wa mung Hpilip hpe bai n mu nu ai rai tim shi sa wa ai lam de kabu gara let wa mat nu ai.

SHINGRAN 10:10

Shaloi dai laika shabawn kaji hpe ngai la nna sha dat we ai: dai gaw nye a n-gup hta lagat ntsin zawn dwi li ai; rai ti mung, dai hpe ngai ma-ut ngut jang, nye a kan hta hka mat li ai.