EZEKELA 3:12 - Jinghpaw Common Language Bible 2009

¹² Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

Jinghpaw Hanson Version Bible

¹² Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

EZEKELA 3:12 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

2 HKAWHKAM 2:16

“Nang e n-gun ja ai masha yawng anhte hta manga shi rai nga ga ai. Na a madu hpe sa tam saga. Dai Madu a wenyi gaw shi hpe shapoi mat wa nna bum ntsa hkan e mung, kadit shara nkau mi hkan e mung shi hpe tawn kau da mai nga ai,” ngu nna tsun ma ai. Elisha gaw, “N rai law, nanhte sa lu na myit dai n rai,” ngu nna htan wu ai.

SHAKAWN KUNGDAWN 148:2

Shi a lamu kasa ni yawng hte e, shi hpe shakawn mu: Sumsing lamu hte seng ai shi a hpyen luksuk ni yawng hte e, shi hpe kungdawn mu.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 11:1

Karai Kasang a wenyi gaw ngai hpe pawn la nna, Nawku Htingnu a sinpraw chyinghka de ngai hpe woi wa nga ai. Shaloi dai chyinghka lam a makau e marai hkun manga nga nga ai hpe ngai mu nngai; shanhte hta amyu baw a ningbaw rai nga ai Azura a kasha Yazania hte Benaia a kasha Pelatia yan mung lawm nga ma ai hpe ngai mu nngai.

EZEKELA 2:2

Dai nsen tsun nga yang, Karai Kasang a wenyi gaw ngai hta shang wa nna, ngai hpe tsap shangun nga ai, ngai gaw dai nsen hpe matut nna,

EZEKELA 3:11

Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

EZEKELA 43:4

Dai htoi kabrim ai nhtoi gaw sinpraw chyinghka hku nna Nawku Htingnu kata de shang wa ai.

EZEKELA 43:5

Dai Madu a wenyi gaw ngai hpe pawn let, kata wang de woi wa yang, yu u, dai Madu a hpung shingkang hte hpring nga ai Nawku Htingnu hpe ngai mu nngai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

KASA 2:2

Shaloi lamu de na nbung laru kaba wa ai zawn, akajawng sha ngoi kadu pru nna shanhte rawng nga ai nta ting hpring chyat rai wa ai.

KASA 8:39

Shan hka na lung wa ma yang dai Madu a Wenyi Hpilip hpe woi mat wa wu ai. Du wa mung Hpilip hpe bai n mu nu ai rai tim shi sa wa ai lam de kabu gara let wa mat nu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.

SHINGRAN 1:15

Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!