EZEKELA 3:11 - Jinghpaw Common Language Bible 2009

¹¹ Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

Jinghpaw Hanson Version Bible

¹¹ Bawng dung hkrum ai, na a baw sang ni hpang de sa nhtawm, Madu Yehowa ning nga ai, ngu nna, shanhte madat timung, n madat timung, hkaw tsun u,” nga nna ngai hpe tsun ai.

EZEKELA 3:11 ပူးပေါင်းရင်းမြစ်များ

PRU MAT 32:7

Dai Madu gaw Mawshe hpe, “Egutu mung kaw na nang woi wa ai na a amyu masha ni yubak galaw nna ngai hpe nyet kau masai majaw tin tin nhtang yu wa su.

YEREMIA 29:20

Babelon mung de ngai shangun dat nna bawng dung hkrum nga ai nanhte e, dai Madu ngai hpa tsun ai hpe madat la mu,’ ngu nna tsun ai.

EZEKELA 2:4

Shanhte gaw adu ja ai hte ngai hpe hkungga n chye ma ai, dai rai nna, Tsaw Htum ai Madu ngai nan shanhte hpe kaning ngu tsun nga ai lam, shanhte hpe htawn tsun na matu, ngai nang hpe shangun dat nngai.

EZEKELA 2:5

Ndai zawn gumlau ai ni gaw na a ga hpe madat ti mung, n madat ti mung, shanhte a lapran e myihtoi langai mi nga nga sai hpe shanhte chye lu na mara ai.

EZEKELA 2:7

Shanhte madat ai rai tim, n madat ai rai tim, shanhte hpe htawn tsun na matu ngai nang hpe tsun ai lam hpa hpe rai tim, nang shanhte hpe tsun na rai ndai. Shanhte gaw gumlau ai ni rai nga ma ai hpe adum nga u.

EZEKELA 20:27

Ya chyawm gaw, si chye ai masha wa e, Tsaw Htum ai dai Madu ngai nan gaw shanhte hpe kaning ngu tsun shadum nga ai lam, Israela amyu masha ni hpe htawn tsun u. Ndai gaw shanhte a kaji kawa ni n sadi sahka ai hku nna n sawn n sang di ai kaga lam rai nga ai.

EZEKELA 3:10

Karai Kasang gaw, “Si chye ai masha wa e, ngai nang hpe tsun dan ai lam yawng mayawng hpe myit maju jung ai hte dum nga u.

EZEKELA 3:12

Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

EZEKELA 3:15

Dai rai nna, ngai gaw Hkebara hka nu makau na bawng dung ai masha ni shanu nga ai Telabiba shara de sa du nhtawm, ngai mu ai hte na sai lam ni hpe mau mat ai majaw, dai shara hta nhtoi sanit ya tup ngai sa nga nga nngai.

EZEKELA 3:27

Dai hpang, ngai nang hpe ga tsun ai hte shaga lu na n-gun atsam bai jaw ai shaloi, Tsaw Htum ai Madu ngai hpa tsun nga ai lam, nang shanhte hpe tsun dan na rai ndai. Shanhte hta na nkau mi gaw madat ti mung nkau mi gaw hpa zawn n nawn ya na mara ai, hpa majaw nga yang, shanhte gaw gumlau ai amyu masha ni rai nga ma ai,” ngu nna tsun ni ai.

EZEKELA 33:12

“Ya chyawm gaw, si chye ai wa e, mai kaja ai wa yubak galaw shut ai shaloi, shi galaw sai dai mai kaja ai amu gaw shi hpe hkye hkrang la lu nga ai n rai. N hkru n shawp ai wa gaw shi galaw nga ai n hkru ai amu hpe rap di kau ai rai yang, ari ahpri hkrum na n rai; mai kaja ai wa yubak galaw hkrup ai rai yang, shi asak hkrung nga lu na ra ai n rai, ngu ai ga Israela masha ni hpe tsun u.

EZEKELA 33:17

“Ngai galaw ai amu gaw teng man nga ai n rai, nga nna na a amyu masha ni tsun nga ma ai! N rai law, Shanhte a lam ni mahtang n ding nga ai.

EZEKELA 33:2

Shi gaw, “Si chye ai masha wa e, ngai gaw mungdan langai mi de majan byin shangun dat ai shaloi, hpa byin wa na lam, na a amyu masha ni hpe htawn tsun u. Dai mungdan na amyu masha ni gaw shanhte kaw na marai langai mi hpe sin langa tai shangun na matu lata nga ma ai.

EZEKELA 33:30

Dai Madu gaw, “Si chye ai masha wa e, na a amyu masha ni gaw mare bunghku makau hkan mung, nta chyinghka lam hkan e mung hkrum zup ma ai shaloi, na a lam tsun hkat shajang nga ma ai. Shanhte gaw, ‘Ya jang, dai Madu kaw na pru ai mungga hpe anhte sa madat la saga,’ nga nna shada da tsun shajang nga ma ai.

EZEKELA 37:18

Na a amyu masha ni nang hpe de a lachyum kaning ngu a ni?, nga nna san yang,

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Daniela 6:13

Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.