EZEKELA 3:10 - Jinghpaw Common Language Bible 2009

¹⁰ Karai Kasang gaw, “Si chye ai masha wa e, ngai nang hpe tsun dan ai lam yawng mayawng hpe myit maju jung ai hte dum nga u.

Jinghpaw Hanson Version Bible

¹⁰ Bai shi gaw, “Masha kasha e, ngai nang hpe tsun na ra de ai ga mahkra, madat mara nna, kraw lawang hta matsing da u.

EZEKELA 3:10 ပူးပေါင်းရင်းမြစ်များ

YOBA 22:22

Shi jaw ai sharin achyin ga ni hpe hkap la nna; shi a mungga ni hpe na a myit masin hta matsing da u.

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

GA SHAGAWP 19:20

Hpaji jaw ai ga hpe madat nna sharin hkam la na matu nang sharawng awng nga n yang gaw, lani mi na aten hta, nang hpaji rawng ai masha tai wa na rin dai.

GA SHAGAWP 8:10

Gumhpraw a malai, nye a sharin shaga ai ga hpe lata la u; ja jet hta grau nna hpu reng ai machye machyang hpaji hpe lata la u.

EZEKELA 2:7

Shanhte madat ai rai tim, n madat ai rai tim, shanhte hpe htawn tsun na matu ngai nang hpe tsun ai lam hpa hpe rai tim, nang shanhte hpe tsun na rai ndai. Shanhte gaw gumlau ai ni rai nga ma ai hpe adum nga u.

EZEKELA 2:8

“Si chye ai masha wa e, ngai nang hpe tsun ai ga hpe madat u. Shanhte zawn gumlau na myit hkum rawng nga et. Na a n-gup hpaw nna ngai nang hpe jaw na arai hpe sha u,” ngu tsun ai nsen hpe na nngai.

EZEKELA 3:11

Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

EZEKELA 3:9

Ngai gaw nang hpe ngang ai lunghkrung hte ja ai lung seng zawn shaja ya na nngai; ndai gumlau ai masha ni hpe hkum hkrit et,” nga nna tsun wu ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.