EZEKELA 29:3 - Jinghpaw Common Language Bible 2009

³ Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

Jinghpaw Hanson Version Bible

³ ‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

EZEKELA 29:3 ပူးပေါင်းရင်းမြစ်များ

SHAKAWN KUNGDAWN 68:30

Mai-aw pa na matse labye dusat ngu ai Egutu mung hpe daru kau u; usu hpung ni hte shanhte a dumsu kasha ni ngu ai amyu baw ni gaw, nang hpe yawng jawm dingnyawm nna shanhte a gumhpraw sak jaw wa ai aten du hkra daru kau u. Majan shabyin na hpe ra sharawng nga ai ni hpe shabra kau u!

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

YEREMIA 44:30

Yuda Hkawhkam Zedekia hpe shi a gumlau hpyen rai nga ai hte shi hpe sat kau na matu tam nga ai Babelon Hkawhkam Nebuhkadneza a lata de ngai ap kau ai zawn, Egutu mung a Hkawhkam Hohpra hpe mung shi hpe sat na matu asak tam nga ai shi a gumlau hpyen ni a lata de ngai ap kau na we ai,” ngu nna tsun wu ai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

EZEKELA 30:22

Yu u, ndai gaw Tsaw Htum ai dai Madu ngai nan tsun ai mungga rai nga ai: Ngai gaw Egutu hkawhkam a hpyen rai nga nngai. Ngai gaw shi a lahpum ngu ai kaja ai lahpum hte daw mat sai lahpum lahkawng yan hpe agrawp kau na nngai, shaloi shi a lata na nhtu mung hkrat mat na ra ai.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

AMO LAIKA (AMOS) 6:13

Nanhte gaw Lodeba mare hpe gasat la lu ai majaw shakawng nga myit dai. Nanhte gaw, “Karnaim hpe lu la na matu n-gun law nga ga ai,” nga nna gumrawng myit dai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

SHINGRAN 13:11

Dai hpang ga kata de na pru lung wa ai matse labye kaga langai mi hpe ngai mu nngai. Shi hta Sagu Kasha a nrung hte bung ai nrung lahkawng tu nna, baren numraw zawn ga shaga ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.