EZEKELA 28:9 - Jinghpaw Common Language Bible 2009

⁹ Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

Jinghpaw Hanson Version Bible

⁹ ‘Ngai Karai Wa rai nga nngai,’ nga nna nang hpe sat kau ai wa a man e, nang naw tsun lu na n ni? Gaja wa, nang hpe hkala kau ai wa a lata hta, nang gaw Karai Wa n rai, masha chyu sha rai nga ndai.

EZEKELA 28:9 ပူးပေါင်းရင်းမြစ်များ

SHAKAWN KUNGDAWN 82:7

Rai ti mung, masha ni zawn, nanhte si wa na marin dai; hkawhkam kasha ni zawn nanhte a asak htum mat na marin dai.”

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

EZEKELA 28:10

Nang gaw karai kata ai tsasam masha ni a lata hta gwi zawn si na rai ndai. Tsaw Htum ai dai Madu ngai nan hkang da ni ai.”

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:8

Shanhte gaw nang hpe sat kau nna hka nsung hku de nang hpe shayu kau dat na mara ai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.