EZEKELA 28:8 - Jinghpaw Common Language Bible 2009

⁸ Shanhte gaw nang hpe sat kau nna hka nsung hku de nang hpe shayu kau dat na mara ai.

Jinghpaw Hanson Version Bible

⁸ nsung hku de nang hpe shayu dat nna, nammukdara ka-ang e si mat hkrum ai ni zawn, nang si na ndai.

EZEKELA 28:8 ပူးပေါင်းရင်းမြစ်များ

YOBA 17:16

Katsan ga de ngai yu wa ai shaloi, myit mada shara gaw ngai hte rau hkan yu wa ai n rai.

YOBA 33:18

Shi gaw shanhte hpe jahten shaza kau hkrum shangun ai n rai; si hkrung si htan a lata kaw nna shi shanhte hpe hkye la nga ai.

YOBA 33:28

Shi gaw ngai hpe katsan ga de yu sa wa ai kaw nna mawai la nga ai, ngai naw ahkrung nga nngai,” ngu nna tsun wu ai.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 30:9

“Nye a si hkrung si htan kaw nna, nang hpa baw akyu hkam la lu na rai nga n ta? Lup sung hku de ngai sa wa ai kaw nna, hpa baw amyat lu la na rai nga n ta? Si sai masha ni nang hpe shakawn lu nga ma ni? Na a n shut n shai chye ai mai kaja lam hpe, shanhte tsun dan lu na ma ni?

SHAKAWN KUNGDAWN 55:15

Nye a gumlau hpyen ni gaw shanhte a aten garai n du yang si htum mat mu ga; shanhte gaw katsan ga de jahkrung sa mat wa mu ga! Dai n hkru n shawp ai gaw shanhte a dum nta ni hte shanhte a myit kraw lawang ni hta rawng nga ai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

GA SHAGAWP 1:12

Shanhte hpe anhte mu ai shaloi, shanhte gaw hkrung nga nna hkam kaja nga na ma ai; rai ti mung, anhte shanhte hpe hkap daw ngut ai hpang shanhte si mat na mara ai!

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

ESAIA 14:15

Rai ti mung shing rai galaw lu na malai, nang gaw katsan ga a sung htum ai shara hta jahkrat bang kau ai hkrum nga nit dai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

EZEKELA 26:12

Shanhte gaw na a sut gan kashun la nna gun rai ni hpe lanep shatai kau na mara ai. Shanhte gaw na a mare bunghku ni hpe kanawng daw kau nna hkik hkam ai na a nta ni hpe hpya kau ya na mara ai. Shanhte gaw nlung, hpun ngau ni hte wut chyen ni yawng hpe magawn la nna panglai de kabai bang kau na mara ai.

EZEKELA 27:34

Ya chyawm gaw, panglai ka-ang e agrawp daw mat ai nang hkrum nga ndai; Nang gaw nammukdara a sung ai shara de lup mat nit dai. Na a hpaga gun rai ni hte na a matu hpaga amu galaw ya ai ni yawng gaw Nang hte rau panglai ka-ang e htum mat manit dai.’

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.