EZEKELA 28:7 - Jinghpaw Common Language Bible 2009

⁷ nang hpe gasat na matu, gumshem ai gumlau hpyen ni hpe ngai woi sa wa na nngai. Shanhte gaw na a kung kyang ai hpaji hte hpaji byeng-ya hte lu tawn ai tsawm htap ai arung arai ni yawng hpe jahten sharun kau ya na mara ai.

Jinghpaw Hanson Version Bible

⁷ yu u, gumshem ai tsasam amyu ni hpe, ngai nang hpang de woi wa nna, shanhte gaw na a hpaji a arawng hpe nhtu hte kahtam kau nna, na a htoi kabrim ai hpe awu asin di kau na mara ai:

EZEKELA 28:7 ပူးပေါင်းရင်းမြစ်များ

SHAKAWN KUNGDAWN 89:44

Shi a hkawhkam sumdoi hpe nang la kau ya nna; shi a hkawhkam tingnyang hpe ga de kadawng kau ya nit dai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

EZEKELA 30:10

Tsaw Htum ai dai Madu gaw, “Babelon Hkawhkam Nebuhkadneza hpe ngai lang nna Egutu mung a sut gan hpe jahtum kau na nngai.

EZEKELA 30:11

Shi hte shi a gumshem ai luksuk ni gaw dai mung hpe agrawp jahten kau na matu du sa na mara ai. Shanhte gaw Egutu mung hpe nhtu ni hte gasat nna dai mung gaw si mang ni hte hpring nga na ra ai.

EZEKELA 31:12

Gumshem ai maigan masha ni mung dai hpe kran kadawng kau nna tawn da na mara ai. De a lakung lakying ni hte daw agrawp mat sai hpun daw hpun shan ni gaw bum shagu a ntsa e mung, mungdan na kadit shagu hta mung hkrat taw nga na ra ai. De a hpun shingnip hta nga lai wa yu sai masha amyu baw ni yawng mung pru mat wa na mara ai.

EZEKELA 32:12

Gumshem ai masha amyu baw ni kaw na hpyenla ni shanhte a nhtu ni shaw nna na a masha yawng hpe sat kau shangun na nngai. Na a masha ni yawng hte nang gumrawng ai arung arai mahkra gaw hten mat na mara ai.

EZEKELA 7:24

Ngai gaw gumshem htum ai amyu ni hpe ndai mung de jashawn dat nna nanhte a dum nta ni hpe madu la shangun na nngai. Nang nawku ai shara ni hta masha amyu baw ni hpe awu asin di kau shangun ai shaloi, na a n-gun ja htum ai masha ni gaw kam ai myit htum mat na mara ai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?