EZEKELA 27:9 - Jinghpaw Common Language Bible 2009

⁹ Dai sanghpaw li ni hpe hkan lajang nang ai lasama ni gaw Biblos mare na hpaji kung kyang ai ni rai ma ai. Na a gat seng ni hta hpaga yumga galaw ai ni gaw Sanghpaw li hte shara shagu hkan hkawm sa nga ai li ma ni hte li hkang ai ni rai ma ai.

Jinghpaw Hanson Version Bible

⁹ Gebala dingla ni hte, de a hpaji rawng ai ni gaw, na a li hkan lajang nga ma ai; nang hte hpaga ga na matu, nammukdara sanghpaw li ni hte li ma ni yawng, nang hta sek nga ma ai.

EZEKELA 27:9 ပူးပေါင်းရင်းမြစ်များ

1 HKAWHKAM 5:18

Shawlumon hte Hiram a bungli galaw masha ni hte Biblos mare masha ni mahtang Nawku Htingnu gap na matu nlung ni hte hpunpyen ni hpe lajang shachyip da nga ma ai.

SHAKAWN KUNGDAWN 104:26

Dai nammukdara hka ntsa hta e, sanghpaw li ni hkawm nga ma ai; dai shara ni hta nang hpan da ai baren numraw Lewihtan mung pyau chyai nga ai.

SHAKAWN KUNGDAWN 83:7

Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

SHAKAWN KUNGDAWN 83:8

Asuri masha ni mung, Lawt a aru arat ni rai nga ai Amon masha ni hte Moba masha ni hpang maga de, jinghku hpyen hpung hta shang lawm nga masai.

YAWSHU 13:5

Gebali masha ni a lamu ga; sinpraw maga de nga ai Lebanon lamu ga yawng, Hermon Bum a dingda maga nga ai Balagad kaw na Hamat uhkan du hkra naw nga nga ai.

SHINGRAN 18:11

Ga ntsa na hpaga la ni mung, hkrap ngu hkrap ngoi hte sharung shayawt nga ma ai; hpa majaw nga yang, shanhte a gun rai ni hpe ya kaw nna kadai mung mari sana ma ai n rai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.