EZEKELA 27:8 - Jinghpaw Common Language Bible 2009

⁸ Na a li shap ai ni gaw Sidon hte Arwadi mare ni kaw na rai ma ai. Li hkang ai ni gaw na a mare na kung kyang ai masha ni rai ma ai.

Jinghpaw Hanson Version Bible

⁸ Sidon hte Arwadi masha ni gaw, na a li shap ai ni tai nna, Turu mare na hpaji rawng ai ni gaw, li hkang ai ni tai ma ai.

EZEKELA 27:8 ပူးပေါင်းရင်းမြစ်များ

NINGPAWT NINGHPANG 10:15

Hkanan a shadang sha ni hta alat Sidon hte Het rai ma ai. Shan a amying hta hkan nna amyu bawsang ni a kaji kawa ni tai wa masai.

NINGPAWT NINGHPANG 10:18

Kaga ga re ai Hkanan a amyu bawsang ni chyawm gaw

NINGPAWT NINGHPANG 49:13

“Zebulun gaw panglai makau e nga na ra ai. Shi a hka kau gaw sanghpaw li ni a matu daru tai na ra ai. Shi a lamu ga jarit mung Sidon du hkra maden na ra ai.

1 HKAWHKAM 5:6

Dai re ai majaw, arit hpun kran na matu Lebanon mung de na a masha ni hpe shangun dat u. Nye a masha ni mung shanhte hte rau amu jawm galaw na mara ai. Nang daw dan ai shabrai hte maren na a masha ni hpe ngai jahpu jaw ya na nngai. Na a masha ni galaw ai zawn nye a masha ni mailung n chye kran nga ma ai gaw, nang hkrak sha chye nga ndai.”

1 HKAWHKAM 9:27

Hkawhkam Hiram mung shi a sanghpaw li hpung kaw na panglai hka lam hta mahkrum, madup lu la sai masha nkau mi hpe shangun dat ya wu ai rai nna Shawlumon a masha ni hte rau amu jawm galaw ma ai.

1 HKAWHKAM LABAU 1:16

Arwadi, Zemari hte Hamahti masha ni a kaji kawa rai nga ai.

ESAIA 10:9

Ngai gaw Hkalno hte Hkarhkeme a mare ni hte Hamat hte Arpad a mare ni hpe mung, Samari hte Damasku mare ni hpe mung gasat dang kau ni ai.

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

EZEKELA 27:11

Na a hpyen luksuk hta lawm ai Arwadi hpyenla ni gaw na a mare bunghku ni hpe mung, Gamad hpyenla ni gaw na a langchyi ni hpe mung sin nga ma ai. Shanhte gaw shanhte a hpyen ninggang ni hpe bunghku ntsa hkan e noi da nhtawm, nang hpe shatsawm da nga ma ai.

EZEKELA 27:28

Lup mat wa nga ai li hkang masha ni a marawn jahtau ai nsen gaw Panglai hkin-gau de du hkra hpungtang kashaw nga ai.

EZEKELA 28:21

“Si chye ai masha wa e, Sidon mare hpe jahpoi u.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.