EZEKELA 27:4 - Jinghpaw Common Language Bible 2009

⁴ Na a dum nta gaw panglai hta rai nga ai. Na a matu gaw gap ai ni gaw tsawm ai sanghpaw li zawn nang hpe shachyaw da ma ai;

Jinghpaw Hanson Version Bible

⁴ Gaja wa, na a lamu ga jarit nammukdara ka-ang e rai nga ai; na a sanghpaw li shachyaw ai ni gaw, nang hpe tsawm dik hkra galaw masai.

EZEKELA 27:4 ပူးပေါင်းရင်းမြစ်များ

EZEKELA 26:5

Nga hkan sha ai ni gaw panglai hka hta dung ai dai krin ai lungrawk ntsa hta shanhte a sumgawn lam jahkraw da na mara ai. Tsaw Htum ai dai Madu ngai nan tsun ni ai. Masha amyu baw ni gaw Turu hpe gasat kashun kau na mara ai,

EZEKELA 27:3

hkin-gau mayan shagu hta shanu nga ai masha ni hte hpaga ga ai mare ngu ai dai Turu a matu sharung shayawt ai mahkawn hkawn u. Tsaw Htum ai dai Madu tsun nga ai mungga shi hpe htawn tsun u: “Turu e, nang gaw na a hkum tsup tsawm htap ai hta shakawng nga nit dai.

EZEKELA 27:5

Shanhte gaw hpunpyen a matu Hermon Bum kaw na marau hpun ni hpe mung, Dawnghkawn shadaw a matu Lebanon kaw na pru ai arit hpun ni hpe lang ma ai.

EZEKELA 28:15

Nang hpan da hkrum ai shani kaw nna n hkru ai amu hpe nang galaw hpang wa ai shani du hkra na a arawn alai hkum tsup nga lit dai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.