EZEKELA 27:36 - Jinghpaw Common Language Bible 2009

³⁶ Nang gaw htum mat nga nit dai, htani htana htum mat sai, Mungkan ting hta hpaga ga ai ni gaw hkrit kajawng nga masai, shanhte gaw na a hpang jahtum na maka karan la na matu hkrit ma ai.”

Jinghpaw Hanson Version Bible

³⁶ Amyu baw ni a hpaga ni gaw, nang hpe asawng ma ai; nang gaw hkrithpa kumla tai nna, htawm hpang de galoi mung, nga pra lu na n rai, nga nna tsun na mara ai,” nga ai.

EZEKELA 27:36 ပူးပေါင်းရင်းမြစ်များ

1 HKAWHKAM 9:8

Ndai Nawku Htingnu gaw sumpum kaba langai zawn hten run mat nna lam hku lai wa ai masha shagu hte gaw mau kajawng mat nhtawm, ‘Dai Madu gaw hpa majaw ndai mungdan hpe mung, Nawku Htingnu hpe mung ndai zawn galaw kau a ta?,’ nga nna san na mara ai.

SHAKAWN KUNGDAWN 37:10

Tara n lang ai ni gaw kade nna yang, hkoi mat wa na mara ai; nang shanhte hpe tam yu ti mung, shanhte hpe mu tam na n rai.

SHAKAWN KUNGDAWN 37:36

rai ti mung, kade n na ai aten hta ngai lai wa yu ai shaloi dai shara hta shi n nga sai; shi hpe ngai tam yu tim, shi hpe n mu lu mat ni ai.

YEREMIA 18:16

Shanhte gaw ndai mungdan hpe hkrit kajawng shara hte htani htana asawng asang shara shatai kau manu ai. Dai shara hku lai hkawm ai ni yawng mayawng hte gaw shanhte mu mada ai lam ni a majaw mau kajawng na mara ai; shanhte gaw mau mahka mat ai hte shanhte a baw ni hpe kanga na mara ai.

YEREMIA 19:8

Dai zawn re ai hkrit hpa jahten sharun lam hpe ndai mare hta ngai shabyin dat na nngai; dai mare hku lai hkawm ai masha langai hte langai gaw yu kajawng ai hte mau mahka mat na mara ai.

YEREMIA 49:17

Dai Madu gaw, “Edom mung a ntsa e byin wa na jahten sharun ai gaw grai yu hkrit hpa shara tai nga ai majaw, dai lam hku lai sa ai marai hkum shagu hte gaw mau kajawng ai hte hkrit gari mat na mara ai.

YEREMIA 50:13

Nye a pawt sindawng ai a majaw, kadai mung Babelon mung hta shanu nga lu na ra ai n rai; dai mung gaw katsi katsang hten run taw nga na ra ai; dai mung hku lai sa ai ni yawng gaw dai hpe mu nna mau kajawng ai hte kahpra mat na mara ai.

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

EZEKELA 26:14

Nga hkan ai ni shanhte a sumgawn ni lam jahkraw la ai dai krin ai lungrawk shara hpe chyu sha ngam tawn da na nngai. Dai mare hpe galoi mung bai de da lu na n rai. Tsaw Htum ai dai Madu ngai nan tsun ni ai,” ngu nna tsun wu ai.

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

EZEKELA 26:21

Ngai nang hpe hkrit hpa kasi shatai nna dai gaw na a matu jahtum rai na ra ai. Masha ni nang hpe tam ti mung, galoi mung mu hkrum na ndai n rai.” Tsaw Htum ai dai Madu tsun nu ai.

EZEKELA 28:1

Dai Madu gaw ngai hpe ga shaga wu ai.

EZEKELA 28:19

Nang gaw htum mat sai, htani htana htum mat sai, nga nna masha amyu baw ni hta nang hpe chye ai ni yawng hkrit kajawng nga sai hte na a hpang jahtum na lam karan ya na hpe hkrit nga ma ai.”

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.