EZEKELA 27:31 - Jinghpaw Common Language Bible 2009

³¹ Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

Jinghpaw Hanson Version Bible

³¹ dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

EZEKELA 27:31 ပူးပေါင်းရင်းမြစ်များ

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 16:9

Ya chyawm gaw, ngai gaw Yazera a matu hkrap ai zawn Sibma a sabyi ru ni a matu hkrap na nngai. Amyu masha ni hpe kabu gara shangun na matu dai shara ni hta mangai n ngai nga ai majaw, nye a myi prwi ni gaw Heshbon hte Eleale a matu hkrat nga li ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

YEREMIA 16:6

Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

YEREMIA 47:5

Yawn hkyen kaba gaw Gaza mare masha ni hpang de du nga sai, Ashkelon a mare masha ni atsin sha nga nga ma ai. Ngam nga ai Hpilisti masha ni galoi aten du hkra yawn madai nga na mu ni?

YEREMIA 48:37

Shanhte yawng gaw kara shangun kau ma ai; shanhte a nhka mun ni hpe mung shangun ma ai. Shanhte yawng gaw shanhte a lata ni hpe jahpye kau nhtawm marai hkum shagu lachyit nba hpun ma ai.

EZEKELA 29:18

Shi gaw, “Si chye ai masha wa e, Babelon Hkawhkam Nebuhkadneza gaw Turu mare hpe htim gasat nu ai. Shi gaw hpyenla ni hpe li ai lit ni hpai shangun nu ai majaw shanhte a baw ni mahkyit shakrin kau ma ai; shanhte a lahpa ni mung shan katsing hpye mat mu ti mung, hkawhkam wa hte shi a hpyen luksuk ni kadai mung shanhte hkrum sha ai tsin-yam tsindam shabrai a matu hpa mung n lu la ma ai.

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

JAW JAU 21:5

“Hkinjawng kadai mung tinang a baw shangun lu na n rai; tinang a nhka mun ahkut shara lu na n rai. Tinang a sharung shayawt lam madun dan na matu tinang hkum hpe gadoi jahpye lu na wu ai n rai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

MIHKA 1:16

Yuda amyu masha ni e, nanhte tsaw ra ai kashu kasha ni a matu sharung shayawt ai hta nanhte a kara ni hpe shakrin kau mu. Nanhte a kashu kasha ni tsan ai mungdan de bawng dung hkrum mat nga masai majaw, langda baw ni zawn shakrin kau mu.

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

TARA JAHPRANG 14:1

“Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.