EZEKELA 27:30 - Jinghpaw Common Language Bible 2009

³⁰ Shanhte yawng gaw na a matu ahkup ahka nga hkra sharung shayawt nga ma ai, Shanhte a baw ni hta nhpu hte bun nna dap ni hta galu nga ma ai.

Jinghpaw Hanson Version Bible

³⁰ hkarang e tsap let, na a matu shabam nna, ja ja hkrap na mara ai; shanhte gaw tinang baw hta nhpu htè bun nna, wan dap hta galu na mara ai:

EZEKELA 27:30 ပူးပေါင်းရင်းမြစ်များ

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

YOBA 2:12

Shanhte gaw tsan tsan kaw nna Yoba hpe mu mada ti mung shi hpe n chye yu matsing nga ma ai. Shanhte mu ai shaloi, hkrap ngu hkrap ngoi hpang wa nhtawm yawn hkyen ai hte shanhte a hpun palawng ni hpe gang je kau nna, lamu de ga nhpu kabai shalun ai hte tinang a baw ntsa e hkrat bun shangun ma ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 6:26

Dai Madu gaw shi a amyu masha ni hpe, “Lachyit nba bu hpun nna wan dap hta galwi nga mu; nang hpe jahten sharun na matu akajawng sha htim gasat sa wa ai a majaw, shadang sha shingtai si mat wa ai zawn, aja awa sharung shayawt nga mu.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

MIHKA 1:10

Anhte a hkrat sum ai lam hpe Gat mare na anhte a gumlau hpyen ni hpe hkum tsun dan myit; nang hkrap ai lam shanhte hpe hkum mu shangun et. Bet Leahpra mare masha ni shanhte a myit htum ai lam hpe ga nhpu galwi ai hku madun dan nga ma ai!

1 SAMUELA 4:12

Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.