EZEKELA 27:3 - Jinghpaw Common Language Bible 2009

³ hkin-gau mayan shagu hta shanu nga ai masha ni hte hpaga ga ai mare ngu ai dai Turu a matu sharung shayawt ai mahkawn hkawn u. Tsaw Htum ai dai Madu tsun nga ai mungga shi hpe htawn tsun u: “Turu e, nang gaw na a hkum tsup tsawm htap ai hta shakawng nga nit dai.

Jinghpaw Hanson Version Bible

³ Turu mare hpe htawn tsun u: Nammukdara daru e dè nga nna, zunlawng amyu ni law law a matu hpaga ga ai mare e, ‘Madu Yehowa ning nga ai: Turu e, Ngai tsawm htum nga nngai, nga nna nang grang nit dai.

EZEKELA 27:3 ပူးပေါင်းရင်းမြစ်များ

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 83:7

Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

GA SHAGAWP 31:14

Shi gaw hpaga sanghpaw li ni galaw ai zawn, tsan ai shara kaw nna, dum nta de lusha la wa nga ai.

ESAIA 23:11

Dai Madu gaw panglai ntsa e shi a lata ladawn ai hte mungdan ni hpe jahten kau nu ai. Shi gaw Hponisha masha ni a hpaga yumga ginjaw ni hpe jahten kau na hkang dat nu ai.

EZEKELA 16:15

“Rai ti mung, nang gaw na a tsawm htap ai hpe zai hku nna nang kaw sa ai ni yawng hte rau yup ai hta kajai gumhkawng nga ndai.

EZEKELA 26:12

Shanhte gaw na a sut gan kashun la nna gun rai ni hpe lanep shatai kau na mara ai. Shanhte gaw na a mare bunghku ni hpe kanawng daw kau nna hkik hkam ai na a nta ni hpe hpya kau ya na mara ai. Shanhte gaw nlung, hpun ngau ni hte wut chyen ni yawng hpe magawn la nna panglai de kabai bang kau na mara ai.

EZEKELA 26:17

Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

EZEKELA 27:4

Na a dum nta gaw panglai hta rai nga ai. Na a matu gaw gap ai ni gaw tsawm ai sanghpaw li zawn nang hpe shachyaw da ma ai;

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.