EZEKELA 27:17 - Jinghpaw Common Language Bible 2009

¹⁷ Yuda hte Israela mung gaw na a gun rai ni hte galai la na matu hkaulan mam, lagat ntsin, tsanlun sau hte namji namya ni la sa ma ai.

Jinghpaw Hanson Version Bible

¹⁷ Yuda hte Israela mung gaw, nang hte hpaga ga ma ai: shanhte gaw na a gun rai hte, Manit ga na hkaulan mam, gitbaw, lagat jahku, sau, balsam naw, galai hkat ma ai.

EZEKELA 27:17 ပူးပေါင်းရင်းမြစ်များ

NINGPAWT NINGHPANG 43:11

Shanhte a kawa chyawm gaw, “Dai rai taw, ning rai mu: dai mung du wa a matu kumhpa shatai na ndai mung na kaja htum ai balsam naw loi mi, lagat ntsin loi mi, manam hawm ai baw namji namya ni, mura, chyaran si hte batan si ni hpe nanhte a magun lit ni hta bang nna la sa ya mu.

1 HKAWHKAM 5:9

Nye a masha ni mung Lebanon kaw nna panglai du hkra mailung ni hpe garawt shayu la nna, dai ni hte wawn shachyaw nhtawm nang lata san da ai shara na hkin-gau de du hkra ngai shayawng yu wa na nngai. Dai yang e, nye a masha ni wawn run nna na a masha ni mahtang dai ni hpe hkap hparan lajang na rai nga ai. Na a maga hku na chyawm gaw nye a masha ni a matu ra ai lusha hpe karum madi shadaw la ya na ngai ra nngai.

2 HKAWHKAM LABAU 2:10

Ngau shaw ai na a masha ni hpe hkaulan mam bushel 100,000, muk-yaw mam bushel 100,000, sabyi galan 110,000 hte tsanlun sau galan 110,000 nang hpe ngai jaw na nngai.

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.

TARA JAHPRANG 32:14

Shanhte a dumsu, bainam ni chyu alaw alam jaw ma ai; ra n rawng ai dumsu yam nga, sagu bainam shanhte hta nga nga ai. Kaja htum ai hkaulan mam hte jet ai sabyi ntsin shanhte lu ma ai.

TARA JAHPRANG 8:8

hkaulan mam, muk-yaw mam, sabyi si, maihpang si, hkainu si, tsanlun si hte lagat ntsin ni hpe shapraw ya ai ga de nanhte hpe woi wa nga ai.

TARA AGYI 11:33

Shi gaw Aroera mare kaw nna Minit mare grup yin na mare hkun ting hte Abela Keramim du hkra gasat kau wu ai. Dai hkan e Amon masha ni asi asat sat kau ai hkrum nna Israela ni a man e sum mat ma ai.