EZEKELA 27:15 - Jinghpaw Common Language Bible 2009

¹⁵ Dedan masha ni gaw nang hte hpaga ga ma ai; zunlawng law law na masha ni mung nang hte gun rai galai hkat na matu magwi kawng hte hpun chyang dut ya ma ai.

Jinghpaw Hanson Version Bible

¹⁵ Dedan masha ni gaw nang hte hpaga ga ma ai; zunlawng ni law law na a gat ni rai nga ai; shanhte gaw na a arai mari nna, nrung, magwi kawng, hpun chyang dut ya ma ai.

EZEKELA 27:15 ပူးပေါင်းရင်းမြစ်များ

SHINGRAN 18:12

Shanhte a gun rai ni gaw: ja arai, gumhpraw arai, hpu ging ai lungseng ni, pale, lachyit sumpan, shaba pu nsam rawng ai sumpan, lai hte da ai sumpan, hkyeng kabrim ai sumpan, manam pyaw ai baw hpun amyu myu, magwi kawng hte galaw ai arai amyu myu, manu rawng ai hpun arai, magri mang arai, hpri arai, lunghpraw arai amyu myu,

1 HKAWHKAM 10:22

Shi gaw nammukdara hta hkawm ai sanghpaw li hpung ni lu ai rai nna Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja gumhpraw, magwi kawng, woi lagang ni hte woi ni htaw let nhtang wa wa rai ma ai.

NINGPAWT NINGHPANG 10:7

Hkusha a matu mara ni gaw Seba, Hawila, Saphta, Rama hte Sabhtahka amyu masha ni rai nga ai. Rama a matu mara ni gaw Sheba, hte Dedan amyu masha ni rai ma ai.

EZEKELA 27:20

Dedan mare masha ni gaw gumra jawn ai ni lang ai nba ni dut nna nang hte hpaga ga ma ai.

EZEKELA 25:13

Ya chyawm gaw, Edom mung hpe ari jaw na matu mung, masha shagu hte dusat yam nga ni hpe sat kau na matu mung, ngai ndau na nngai. Ngai gaw dai mung hpe Teman mare kaw nna Dedan mare du hkra dai mung na shara hpe shingran katsi kau shangun na nngai; masha ni mung majan pa e sat kau ai hkrum na mara ai.

YEREMIA 49:8

Dedan masha ni e, kayin mat wa nna hprawng mu! Makoi gyem nga mu! Esaw a aru arat ni hpe ari jaw na aten du sai majaw, ngai gaw shanhte hpe jahten kau na nngai.

1 HKAWHKAM LABAU 1:32

Abraham gaw Ketura mying ai lashi num langai lu nga ai; shi gaw shadang sha kru shangai ya wu ai, dai ni gaw Zimran, Yokshan, Medan, Midian, Ishbak, hte Shua ni rai nga ai.

1 HKAWHKAM LABAU 1:9

Hkusha amyu matu ni gaw Seba, Hawila, Saphta, Rama hte Sabhtahka masha ni rai ma ai. Rama amyu matu ni gaw Sheba hte Dedan masha ni rai ma ai.

NINGPAWT NINGHPANG 25:3

Yokshan gaw Sheba hte Dedan yan a kawa rai nna, Dedan a matu mara ni gaw Ashurim, Letushim hte Leumim ni rai ma ai.

ESAIA 21:13

Ndai gaw Arabi hte seng ai mungga rai nga ai. Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai,

EZEKELA 38:13

Sheba hte Dedan masha ni mung, Spain mare kahtawng hkan na hpaga ga ai ni mung nang hpe, ‘Lanep kashun la lu na matu, na a hpyen luksuk hpe nang jahpawng tawn nna gasat nga n ni? Ja, gumhpraw, yam nga hte sut gan amyu myu hpe jahten kau na matu nang myit shatawng nga n ni?,’” ngu nna san na mara ai.

2 HKAWHKAM LABAU 9:21

Shi gaw nammukdara hta hkawm ai sanghpaw hpung ni lu ai rai nna, Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja, gumhpraw, magwi kawng, u tawng ni hte woi ni hpe htaw let nhtang wa wa rai ma ai.