EZEKELA 27:13 - Jinghpaw Common Language Bible 2009

¹³ Nang gaw Grik, Tubala hte Meshek masha ni hte hpaga yumga galaw nna na a gun rai ni hpe mayam ni hte mung, magri mang gawm ni hte mung galai hkat nga ndai.

Jinghpaw Hanson Version Bible

¹³ Yawan, Tubala, Meshek masha ni gaw, nang hte hpaga ga ma ai: shanhte gaw na a gun rai hte, mayam, magri gawm ni galai hkat ma ai.

EZEKELA 27:13 ပူးပေါင်းရင်းမြစ်များ

NINGPAWT NINGHPANG 10:2

Ya Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai ma ai. Shanhte gaw shanhte a mying ni hta hkan nna ran yu wa ai amyu bawsang ni a kaji kawa ni tai wa masai.

NINGPAWT NINGHPANG 10:4

Yawan a aru arat ni gaw Elisha, Spain, Kupru hte Roda amyu masha ni rai ma ai.

1 HKAWHKAM LABAU 1:5

Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai nga ai; shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga ma ai.

1 HKAWHKAM LABAU 1:7

Yawan a amyu matu ni gaw Elisha, Spain, Kupru, Rhodes masha ni rai ma ai.

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

EZEKELA 27:12

“Nang gaw Spain mung hte hpaga yumga galaw nna na a law la ai gun rai ni hpe galai la na matu, gumhpraw hpri, ajang hte machyu ni hpe la sa wa nga ndai.

EZEKELA 32:26

“Meshek yan Tubala hte shan a grup yin e, shan a hpyenla ni a lup sung hku ni mung nga nga ma ai. Shanhte yawng gaw matu gadoi n hkam ai ni rai nna majan hta sat kau hkrum ai ni hkrai rai ma ai. Shanhte gaw asak hkrung ai dinghta ga hpe lang mi jahkrit shama yu masai.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

Daniela 10:20

Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.

Daniela 11:2

Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 8:21

Dai bainam la gaw Grik mungdan rai nga ai. Shi a myi lapran hta laklai dan dawng hkra tu ai nrung gaw shawng na hkawhkam rai nga ai.

YOELA 3:3

Shanhte gaw bawng masha ni hpe kadai wa madu la lu na matu hpaida da let daw dan la ma ai. Shanhte gaw shawa num ni hte sabyi ntsin manu jaw na matu, numsha, lasha ni hpe mayam hku dut sha kau ma ai.

YOELA 3:6

Nanhte gaw Yuda hte Yerusalem mare masha ni hpe shanhte a mungdan kaw nna woi mat wa nhtawm Grik masha ni hpang de dut kau nga myit dai.

SHINGRAN 18:13

maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai.