EZEKELA 27:11 - Jinghpaw Common Language Bible 2009

¹¹ Na a hpyen luksuk hta lawm ai Arwadi hpyenla ni gaw na a mare bunghku ni hpe mung, Gamad hpyenla ni gaw na a langchyi ni hpe mung sin nga ma ai. Shanhte gaw shanhte a hpyen ninggang ni hpe bunghku ntsa hkan e noi da nhtawm, nang hpe shatsawm da nga ma ai.

Jinghpaw Hanson Version Bible

¹¹ Na a hpyen luksuk ni hta lawm ai Arwadi masha ni gaw, na a bunghku grup yin e sin nga nna, share ni gaw na a langchyi ni hta rawng nga ma ai; shanhte gaw dap shakum ni a grup yin e tinang a hpyen rai ni hpe noi da nna, nang hpe dik hkra shatsawm ma ai.”

EZEKELA 27:11 ပူးပေါင်းရင်းမြစ်များ

Shawlumon A Mahkawn Ga 4:4

Na a du gaw din din rai nna pri tsawm ai Dawi a langchyi zawn rai nna, ninggang hkying mi noi da ai zawn re ai kachyi hte shinggrup da nga ai.

EZEKELA 27:10

“Persi, Luda hte Libya mung na hpyenla ni gaw na a hpyen luksuk hta hpyen amu shang galaw ma ai. Shanhte gaw tinang a ninggang ni hte gupchyawp ni hpe na a hpyen dap ni hta noi da nga ma ai. Shanhte gaw na a arawng sadang hpe dan hkung shangun nga ma ai.

EZEKELA 27:12

“Nang gaw Spain mung hte hpaga yumga galaw nna na a law la ai gun rai ni hpe galai la na matu, gumhpraw hpri, ajang hte machyu ni hpe la sa wa nga ndai.

EZEKELA 27:8

Na a li shap ai ni gaw Sidon hte Arwadi mare ni kaw na rai ma ai. Li hkang ai ni gaw na a mare na kung kyang ai masha ni rai ma ai.