EZEKELA 26:8 - Jinghpaw Common Language Bible 2009

⁸ Lamu ga madung na mare ni hta shanu nga ai ni mung hpyen majan hta sat kau hkrum na mara ai. Hpyen ni gaw kaduk htu nhtawm dap jung ai hte nang hpe ninghkap lu na matu ngang ai ninggang shakum ni jung da na mara ai.

Jinghpaw Hanson Version Bible

⁸ Shi gaw yi hkauna e nga ai, na a shayi sha ni hpe, nhtu hte sat kau na ra ai; nang hpang maga shi hpyen dap jung nna, kaduk htu nhtawm, n-gang ni hpe grang da na ra ai.

EZEKELA 26:8 ပူးပေါင်းရင်းမြစ်များ

2 SAMUELA 20:15

Dai yang e Sheba nga nga ai hpe Yoab a masha ni na jang, dai mare hpe sa wang da nga ma ai. Shanhte gaw bunghku shinggan e kaduk htu nhtawm bunghku daw sharun kau na nga, bunghku npawt ni hpe htu ma ai.

YEREMIA 32:24

“Babelon masha ni gaw mare hpe gasat la na matu mare grup grup hkan kaduk ni htu da nna shanhte htim gasat ma ai. Hpyen majan, kawsi hpang gara ai hte ana zinli ni gaw dai mare hpe shanhte a hpyen ni a lata de hkrat sum shangun nga ai. Nang tsun ai hte maren, yawng mayawng byin mat wa nga ai hpe nang mu lu nga ndai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

YEREMIA 6:6

Chyahtum Chyalai N-gun rawng ai dai Madu gaw, “Hpun ni hpe kran kau nna Yerusalem hpe wang tawn na matu kaduk ni galaw na dai hkawhkam ni hpe hkang da wu ai. Shi gaw, “Ndai mare gaw dip gamyet sha ai lam hpring nga sai majaw ndai mare hpe ngai ari jaw na nngai.

EZEKELA 21:22

Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

EZEKELA 26:6

dai ni a nhtu ni hte dai mung na ahkyak ai mare ni hta shanu nga ai ni hpe sat kau na mara ai. Shaloi, ngai nan dai Madu rai nga nngai hpe Turu mare masha ni chye lu na mara ai,” ngu nna tsun wu ai.

EZEKELA 26:9

Shanhte gaw na a mare bunghku ni hpe run ai gawng ni hte adawt sharun kau ya ai hte na a langchyi ni hpe mung hpri htinggrang ni hte mala sharun kau ya na mara ai.

HABAKU 1:10

Shanhte gaw hkawhkam ni hpe jahpoi asawng ma ai, lahta tsang du salang ni hpe mani asan kau ma ai. Shanhte hpe shingdang lu ai hpyen dap nga ai n rai-shanhte gaw ga kaduk sumpum galaw nna dai hpe zing la nga ma ai.

LUKA 19:43

Na a hpyen ni nang hpe kaduk ni hte dap jung nna wang da let, lam maga shagu pat shingdang da ai aten du wa na ra ai.