EZEKELA 26:3 - Jinghpaw Common Language Bible 2009

³ “Dai rai nna, Tsaw Htum ai Madu ngai nan tsun nga ai mungga gaw ndai rai nga ai: Turu mare e, ngai gaw na a hpyen rai nga nngai. Ngai gaw nang hpe gasat na matu masha amyu law law hpe woi sa wa na nngai, dai ni gaw panglai hka leng ni zawn rawt hta wa ai hte du sa wa na mara ai.

Jinghpaw Hanson Version Bible

³ Madu Yehowa ning nga ai: Yu u, Turu mare e, ngai nang hpe hkap daw na nngai: nammukdara hta wa ai hka leng zawn, masha amyu law law hpe ngai nang hpang de shangun dat na nngai.

EZEKELA 26:3 ပူးပေါင်းရင်းမြစ်များ

SHAKAWN KUNGDAWN 107:25

Shi hkang dat ai shaloi, nbung laru ru wa nna; hka leng ni rawt kabrawng wa nga ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 50:31

“Babelon e, nang gaw gumrawng gumtawng ai myit hte hpring nga ndai majaw, Chyahtum Chyalai N-gun rawng ai Tsaw Htum ai dai Madu ngai nan nang hpe hkap daw na nngai! Nye a matu nang hpe ari jaw na aten gaw du nga sai.

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

YEREMIA 51:42

Panglai hka gaw Babelon mung de ka-up lung wa nna wu kadu ai hka leng ni hte dai mung hpe lim kau nga sai.

YEREMIA 6:23

Shanhte gaw shanhte a ndan ni hte nhtu ni hpe lang da ma ai; gumshem nna matsan n chye dum ai ni rai ma ai. Shanhte gumra jawn sa wa ma ai shaloi, shanhte a nsen gaw panglai hka wu kadu ai zawn rai nga ai. Shanhte gaw Yerusalem hpe htim gasat na matu jin jin rai nga masai,” ngu nna tsun ai.

EZEKELA 21:3

Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

EZEKELA 26:19

Tsaw Htum ai dai Madu gaw ning nga tsun ai: “Ngai gaw nang hpe masha kadai mung n shanu ai hte hten run mat sai mare ni zawn katsi katsang shara shatai kau na we ai. Ngai nang hpe sung ai nammukdara hka hte ka-up kau na nngai.

EZEKELA 27:26

Na a li shap ai ni nang hpe panglai hka de woi sa wa ai shaloi, Tsan la ai hkarang de na bung wa ai sinpraw nbung gaw nang hpe agrawp kau nit dai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 29:10

ngai gaw na a hpyen hte na a Nila hka a hpyen rai nga nngai. Ngai gaw Egutu mung hpe dingdung maga Migdola mare kaw nna dingda maga Aswan mare du hkra hte Ehtiopi lamu ga jarit yawng htum hkra, akrin akraw hte katsi katsang shara shatai kau na nngai.

EZEKELA 38:3

Tsaw Htum ai dai Madu ngai gaw shi a hpyen rai nga nngai lam shi hpe tsun u.

EZEKELA 5:8

Dai rai nna, Tsaw Htum ai dai Madu ngai gaw na a gumlau hpyen rai nga nngai hpe nang hpe tsun dan nga nngai. Ngai gaw nang hpe masha amyu baw ni yawng mu lu ai shara hta tara jeyang na we ai.

MIHKA 4:11

Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

NAHUM 2:12

Hkanghkyi la gaw shi a manang jan hte shi a kasha ni a matu shi a lamyin hte adaw atang di gang amya sat yu nu ai; shi gaw shi a lawng hta ashep je da ai ashan hte jahpring da nga ai.

NAHUM 3:5

Chyahtum Chyalai N-gun rawng ai dai Madu gaw, “Ninewe e, ngai nang hpe ari jaw na we ai! Masha amyu ni nang hpe mu la mu ga, na a kaya kahpa mahkra hpe mu la mu ga, nang hpe singgu krin raw sharun da na we ai.

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

ZEHKARIA 9:4

Rai ti mung, dai Madu gaw shi lu ai arai magup la kau ya nna, shi a sut gan panglai kata de kabai bang kau ya na ra ai; dai mare mung ga de du hkra hkru mat ai hte dap sumpum tai mat na ra ai.

LUKA 21:25

“Dai shaloi e, jan shata, shagan ni hta laklai ai lamik kumla ni dan pru na ra ai. Ga ntsa e mungdan ni yawng gaw, panglai hkaleng ni a wu kadu ai nsen majaw hkrit kajawng ai hte myit ru myit tsang hkrum na mara ai.