EZEKELA 26:2 - Jinghpaw Common Language Bible 2009

² Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

Jinghpaw Hanson Version Bible

² “Masha kasha e, Turu mare gaw, ‘Aha, mungdan ni a chyinghka nga ai, Yerusalem mare gaw daw mat sai; ngai shang na matu hpaw malang nga ai; dai mare gaw, ya katsi katsang rai nga ai rai nna, ngai sut su na nngai,’ nga nna tsun ai majaw,

EZEKELA 26:2 ပူးပေါင်းရင်းမြစ်များ

2 SAMUELA 5:11

Turu Hkawhkam Hiram gaw hpaga yumga hpung langai mi hpe Dawi hpang de shangun dat wu ai; shi gaw hkawhkam htingnu gap na matu nga nna marau hpun tawng ni, lasama ni hte nlung gaw ai ni hte hpawn Dawi hpe karum madi shadaw dat nga ai.

SHAKAWN KUNGDAWN 35:21

“Nang hpa galaw da sai lam hpe anhte mu sagaw ai,” nga nna jahtau tsun let; shanhte ngai hpe mara shagun da nga ma ai.

SHAKAWN KUNGDAWN 40:15

Ngai hpe mani asawng ai ni gaw shanhte sum mat ai a jaw e, myi man sum mat mu ga.

SHAKAWN KUNGDAWN 40:16

Nang kaw du sa ai ni yawng hte gaw awng sharawng ai hte kabu gara nga mu ga; na a hkye hkrang la ai lam hpe chyeju dum ai ni yawng hte gaw, “Madu gaw kade wa galu kaba nga a hka!” nga nna tut tut atsun nga mu ga.

SHAKAWN KUNGDAWN 70:3

Ngai hpe mani asawng ai ni gaw shanhte sum mat ai a jaw e, myi man sum mat mu ga.

SHAKAWN KUNGDAWN 83:7

Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

YEREMIA 27:3

Dai hpang, dai Madu gaw Edom, Moba, Amon, Turu hte Sidon hkawhkam ni hpang de Hkawhkam Zedekia hpe mu lu na matu Yerusalem de du sa nga sai shanhte a dat kasa ni a lata hku nna ndai mungga hpe shagun dat na matu ngai hpe tsun ni ai.

YEREMIA 47:4

Hpilisti hpe shamyit kau na matu mung, Turu mung hte Sidon mung kaw na naw ngam nga ai karum la lam yawng hpe dan di kau na aten gaw du nga sai. Dai Madu ngai nan Hpilisti masha ni hpe mung, Kreti zunlawng hka kau hkan na du sa ai ni yawng hpe mung, jahten shaza kau na nngai.

YEREMIA 49:1

Ndai gaw Amon masha ni hte seng nna tsun ai dai Madu a mungga rai nga ai: “Israela lasha ni kanang rai nga ma ta? Shanhte a mungdan hpe makawp maga na lasha kadai mung n nga sani? Shanhte gaw Molek hpara hpe nawku ai masha ni, Gad a mungdaw hpe hpa majaw madu la ai hte dai shara hta de nga ma ni?

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

EZEKELA 25:10

Ngai gaw Moba mung hte hpawn Amon mung hpe mung sinpraw nam mali hkan shanu nga ai amyu bawsang ni a lata de ap kau na we ai, shaloi Moba mung gaw amyu baw masha ni shanu lu ai mungdan tai lu na ra ai n rai.

EZEKELA 25:6

“Ndai gaw Tsaw Htum ai dai Madu tsun ai mungga rai nga ai: Nang gaw lahpawk dum let kabu gumhtawn hkawm nga ndai. Nang gaw Israela mungdan hpe n kaw n law di kau nga ndai.

EZEKELA 25:8

Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

EZEKELA 26:1

Anhte bawng dung ai shi langai ning, shata langai ya shani hta, dai Madu ngai hpe ga shaga wu ai.

EZEKELA 35:10

“Dai Madu ngai nan shanhte a Karai Kasang rai nga tim pyi, nang gaw ndai amyu lahkawng rai nga ai Yuda hte Israela ngu ai shanhte a mungdan ni hpe mung rau hpawn nang madu la na nngai, ngu nna nang tsun nit dai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

YAWSHU 19:29

Dai hpang Rama hku kayin wa nna bunghku kum ai Turu mare hku hprang, Hosa de bai kayin nhtawm Ka-ang Panglai e htuk rai nga ai.