EZEKELA 26:18 - Jinghpaw Common Language Bible 2009

¹⁸ Ya chyawm gaw, nang kadawng mat ai shani e, Zunlawng ni gari ashun nga ai hte, Shanhte a masha ni dai zawn re ai jahten shabyak lam a majaw mau kajawng nga ma ai.”

Jinghpaw Hanson Version Bible

¹⁸ Nang kadawng ai shani e zunlawng ni yawng hkrit gari na mara ai; gaja wa, nang mat mat wa ai majaw, nammukdara na zunlawng ni mak mat na mara ai, nga nna na a lam sharung shayawt ai ga jahta na mara ai.”

EZEKELA 26:18 ပူးပေါင်းရင်းမြစ်များ

ESAIA 41:5

“Sumtsan mung na masha ni gaw ngai galaw sai amu ni hpe mu manu ai; shanhte gaw kajawng ai hte hkrit gari nga ma ai. Dai rai nna shanhte yawng zup hpawng nna sa wa ma ai.

YEREMIA 49:21

Edom mung hkrat sum mat ai shaloi, dai mung na hkrat sum mat ai nsen gaw mungkan ga ting hpe ashun awam nga nna, dai hkrit kajawng shangun ai shabam nsen hpe Nawng Hkyeng du hkra na na mara ai.

YEREMIA 50:46

Babelon hkrat sum mat ai shaloi, dai hkrat sum ai nsen gaw mungkan ga ting hpe ashun awam na ra ai, dai hkrit kajawng shangun ai shabam ai nsen hpe kaga amyu baw ni na lu na mara ai.”

EZEKELA 26:15

Tsaw Htum ai dai Madu gaw Turu mare hpe ndai lam tsun na lu nga ai: “Nang gasat hkrum ai hte sum ai shaloi, htau sat kau hkrum ai ni a kyek shabam ai nsen a majaw, panglai hkin-gau mayan hku shanu nga ai masha ni hkrit gari na mara ai.

EZEKELA 27:35

Panglai hkin-gau mayan hku shanu nga ai ni mung nang hta hkrum hkra ai lam a majaw, mau kajawng mat ma ai. Shanhte a hkawhkam ni pyi hkrit gari ai hte myi man ni hta nshung si ni hprwi rai ma ai.

EZEKELA 31:15

Ndai gaw Tsaw Htum ai dai Madu tsun ai mungga rai nga ai: “Dai hpun gaw katsan ga de yu wa ai shani e, sharung shayawt ai kumla hku nna mungkan kata tsang na hka ni hte dai hpun hpe kaput kau shangun na nngai. Ngai gaw hka nu ni hpe dim da nna hka shi law law hpe mung n lwi shangun na nngai. Dai hpun si mat sai majaw, ngai gaw Lebanon Bum ni a ntsa e nsin sin shangun nna maling htinggram na hpun ni yawng hpe mung nyui kau shangun na nngai.