EZEKELA 26:17 - Jinghpaw Common Language Bible 2009

¹⁷ Shanhte gaw na a matu ndai makoi mayang mahkawn hkawn na mara ai: Gumhkawng ai mare gaw hten byak mat sahka! Shi a sanghpaw li ni panglai hka kaw nna yawng mat wa nga masai. Ndai mare masha ni gaw panglai ni hpe up ma ai, Hkin-gau mayan hku nga ai masha ni yawng hkrit gari nga ma ai.

Jinghpaw Hanson Version Bible

¹⁷ Dai rai nna shanhte gaw, Nammukdara hta bungli chye shachyen nna, nammukdara majaw n-gun ja ai hte, shi hta shanu nga ai ni mahkra hpe jahkrit shama chye ai, ‘dan hkung ai mare e, nang ning rai hten byak hkrum n hka!

EZEKELA 26:17 ပူးပေါင်းရင်းမြစ်များ

2 SAMUELA 1:19

“Israela a kawng ni hta anhte a ningbaw ni si taw nga ma ai! Share shagan htum ai anhte a hpyenla ni kadawng mat ma sahka!

ESAIA 14:12

O, htoi tu ai nhtoi gintawng, Jahpawt manap a kasha e, nang gaw sumsing lamu kaw nna di hkrat wa nit hka! Lai sai aten hta nang gaw masha amyu baw ni hpe gasat dang nga ndai, rai ti mung ya chyawm gaw ga de kabai jahkrat kau ai nang hkrum nga nit dai.

ESAIA 23:4

Sidon mare e, Nanhte gaw myi man sum nga myit dai! Panglai hte galu kaba ai nammukdara gaw nang hpe ningdang kau ai hte, “Ngai gaw kashu kasha n shaprat yu nngai. Ngai gaw shayi shadang sha ni hpe galoi mung n bau maka dat yu nngai,” nga nna tsun ai.

ESAIA 23:8

Ga ntsa e grau htum ai arawng sadang hkam la nga ai hpaga du ni nga ai ndai hkaw dung mare Turu hpe kadai wa hpaji jaw nna ndai lam yawng hpe shabyin dat a ta?

YEREMIA 48:39

Moba gaw agrawp mat sahka! Marawn jahtau mu! Moba gaw kaya kahpa hkrum nu ai! Dai mung gaw hten run mat sai majaw grup yin e nga ai masha amyu baw ni shi hpe asawng asang rai ashu nga ma ai. Dai Madu ngai nan tsun ni ai.”

YEREMIA 50:23

Babelon gaw mungkan ga ting hpe adup mani kau nu ai; ya chyawm gaw, dai sumdu agrawp mat nu hka! Masha amyu baw ni yawng hte gaw dai mungdan hta byin ai lam a majaw mau kajawng nga ma ai.

YEREMIA 6:26

Dai Madu gaw shi a amyu masha ni hpe, “Lachyit nba bu hpun nna wan dap hta galwi nga mu; nang hpe jahten sharun na matu akajawng sha htim gasat sa wa ai a majaw, shadang sha shingtai si mat wa ai zawn, aja awa sharung shayawt nga mu.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

YEREMIA 9:20

Ngai gaw, “Numsha ni e, dai Madu a ga hpe madat mu, shi a ga ni hta myit jung mu. na a shayi sha ni kaning rai sharung shayawt na lam sharin ya mu, na a manang ni kaning rai makoi mayang mahkawn hkawn na lam sharin ya mu.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

EZEKELA 19:1

Dai Madu gaw Israela hkawhkam kasha lahkawng a matu ndai yawn hkyen mahkawn mangoi mahkawn na matu ngai hpe tsun wu ai:

EZEKELA 19:14

Sabyi ru madung hta wan hkru nna; wan gaw de a lakung lakying ni hte asi hpe hkru kau nga ai. Lakung lakying ni gaw galoi mung n-gun bai rawng wa na n rai, galoi mung hkawhkam dawhkrawng ni tai na ra ai n rai. Ndai gaw yawn hkyen mahkawn rai nga ai; ndai hpe lang mi hte lang mi mahkawn mangoi wa sai.

EZEKELA 32:16

Ndai dagam let shadum jahprang ai ga gaw sharung shayawt ai mahkawn tai na ra ai. Masha amyu baw ni a shayi sha ni mung Egutu mung hte de a mung masha ni a matu sharung shayawt ai mahkawn hkawn na mara ai. Tsaw Htum ai dai Madu ngai nan tsun ni ai.”

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

EZEKELA 32:23

shanhte a lup sung hku ni gaw katsan ga a sung htum ai shara hta nga nga ma ai. Shi a hpyenla ni yawng gaw majan hta hkrat sum mat ai hkrai rai nna shanhte a lup sung hku ni gaw shi a lup wa grup yin e dingren nga ma ai. Shanhte gaw lang mi na aten hta asak hkrung ai dinghta ga hpe jahkrit shama yu manu ai.

EZEKELA 32:27

Shanhte gaw katsan ga de hpyen laknak hkum dingnum hte yu hkrat wa nna, shanhte a nhtu ni hpe bunghkum hkum da let shanhte a moi mang ntsa ni hta ninggang ni hte magap da nga ai moi shawng de na share ninghkrin ni zawn shagrau hkam nna lup makoi da hkrum nga ma ai n rai. Ndai share ninghkrin ni gaw asak hkrung nga ai dinghta ga hpe jahkrit shama na matu lang mi daru magam n-gun hpring hkra rawng yu masai.

YOELA 1:18

Shanhte a matu yam nga udat shara n nga sai majaw, dumsu hpung ni myit htum let nbaw nga ma ai; sagu hpung ni mung nni nkri hkrum sha nga ma ai.

OBEDIA 1:5

“Shana e lagu lagut ni sa ai shaloi shanhte ra ai daram sha shanhte la nga ma ai. Masha ni sabyi si ni hpe di mahkawng nga ai shaloi, shanhte gaw galoi mung nlim ngam da nga ma ai. Rai ti mung na a gumlau hpyen ni mahtang nang hpe tsep kawp jahten kau nga masai.

MIHKA 2:4

Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

YAWSHU 19:29

Dai hpang Rama hku kayin wa nna bunghku kum ai Turu mare hku hprang, Hosa de bai kayin nhtawm Ka-ang Panglai e htuk rai nga ai.