EZEKELA 26:16 - Jinghpaw Common Language Bible 2009

¹⁶ Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

Jinghpaw Hanson Version Bible

¹⁶ Dai shaloi e nammukdara agyi ni yawng tinang tingnyang na yu nna, palawng galu hpe raw kau nhtawm, maka ka ai palawng hpe raw kabai kau na mara ai; shanhte gaw hkrit gari ai bu hpun na mara ai: ga hta dung nga nna tut hkrit gari let, nang hta byin ai amu majaw, shanhte mak mat na mara ai.

EZEKELA 26:16 ပူးပေါင်းရင်းမြစ်များ

YOBA 8:22

rai ti mung nang hpe n ju n dawng ai ni hpe kaya kahpa jahkrum nna, tara n lang ai ni a dum nta ni htum mat na mara ai.

SHAKAWN KUNGDAWN 109:18

Shi bu hpun palawng hpun man nga ai zawn dagam dala ga hpe man man atsun nga u ga; shi a dagam dala ga gaw hka zawn hkum kata de madi shang wa nna, sau zawn shi a nrut nra de du hkra tsim shang wa u ga!

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 132:18

Ngai gaw shi a gumlau hpyen ni hpe kaya kahpa hte htinggrum da ya na nngai; rai ti mung, shi a mungdan gaw ngamu ngamai wa nna gumring gumrat wa na ra ai,” nga nna tsun nga ai.

SHAKAWN KUNGDAWN 35:26

Nye a nni nkri hpe yu kabu nga ai ni, tsep kawp sum mat ai hte shanut kau ai hkrum nga mu ga. Ngai hta grau ai ni re ngu nna tsun ai ni gaw, kaya kahpa hte myi man sum ai hkrum sha mu ga.

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 41:5

“Sumtsan mung na masha ni gaw ngai galaw sai amu ni hpe mu manu ai; shanhte gaw kajawng ai hte hkrit gari nga ma ai. Dai rai nna shanhte yawng zup hpawng nna sa wa ma ai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

ESAIA 52:2

Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

YEREMIA 48:39

Moba gaw agrawp mat sahka! Marawn jahtau mu! Moba gaw kaya kahpa hkrum nu ai! Dai mung gaw hten run mat sai majaw grup yin e nga ai masha amyu baw ni shi hpe asawng asang rai ashu nga ma ai. Dai Madu ngai nan tsun ni ai.”

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

EZEKELA 16:10

Ngai gaw nang hpe maka ka ai hpun palawng ni hpe jahpun nna, kaja htum ai shanhpyi hkyepdin shadin nngai. Lachyit sumpan bunghkaw hte hkaw ya nna, lai hte da ai hpun palawng jahpun nngai.

EZEKELA 26:21

Ngai nang hpe hkrit hpa kasi shatai nna dai gaw na a matu jahtum rai na ra ai. Masha ni nang hpe tam ti mung, galoi mung mu hkrum na ndai n rai.” Tsaw Htum ai dai Madu tsun nu ai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

EZEKELA 31:15

Ndai gaw Tsaw Htum ai dai Madu tsun ai mungga rai nga ai: “Dai hpun gaw katsan ga de yu wa ai shani e, sharung shayawt ai kumla hku nna mungkan kata tsang na hka ni hte dai hpun hpe kaput kau shangun na nngai. Ngai gaw hka nu ni hpe dim da nna hka shi law law hpe mung n lwi shangun na nngai. Dai hpun si mat sai majaw, ngai gaw Lebanon Bum ni a ntsa e nsin sin shangun nna maling htinggram na hpun ni yawng hpe mung nyui kau shangun na nngai.

EZEKELA 32:10

Ngai nang hpe galaw ai amu a jaw e, masha amyu baw law law ni mau kajawng mat na mara ai. Ngai gaw nye a nhtu hpe ningwat dat ai shaloi, hkawhkam ni hkrit gari mat na mara ai. Nang kadawng taw ai shani e, shanhte yawng gaw tinang a asak a matu mara, hkrit gari nga na mara ai.”

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw myit mada shara n nga ai hte mak mat na mara ai; amyu masha ni gaw hkrit gari mat na mara ai. Nang galaw lai wa sai amu yawng mayawng a matu ngai nang hpe ari jaw na nngai, shaloi nang gaw masha ni hpe tara daw dan ai zawn, ngai mung dai hte maren, nang hpe tara daw dan na nngai. Dai gaw dai Madu ngai nan rai nga nngai hpe madun dan na ra ai.”

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.