EZEKELA 26:15 - Jinghpaw Common Language Bible 2009

¹⁵ Tsaw Htum ai dai Madu gaw Turu mare hpe ndai lam tsun na lu nga ai: “Nang gasat hkrum ai hte sum ai shaloi, htau sat kau hkrum ai ni a kyek shabam ai nsen a majaw, panglai hkin-gau mayan hku shanu nga ai masha ni hkrit gari na mara ai.

Jinghpaw Hanson Version Bible

¹⁵ “Madu Yehowa gaw Turu mare hpe ning nga ai: Na a ka-ang e shaza kau ai amu byin nna, hkala nba hkrum ai ni shabam nga yang, nang kadawng wa ai nsen majaw, zunlawng ni gari awam na mara ai, n rai ni?

EZEKELA 26:15 ပူးပေါင်းရင်းမြစ်များ

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 41:5

“Sumtsan mung na masha ni gaw ngai galaw sai amu ni hpe mu manu ai; shanhte gaw kajawng ai hte hkrit gari nga ma ai. Dai rai nna shanhte yawng zup hpawng nna sa wa ma ai.

YEREMIA 49:21

Edom mung hkrat sum mat ai shaloi, dai mung na hkrat sum mat ai nsen gaw mungkan ga ting hpe ashun awam nga nna, dai hkrit kajawng shangun ai shabam nsen hpe Nawng Hkyeng du hkra na na mara ai.

EZEKELA 26:10

Law la ai ga nhpu ni gaw hpyen gumra ni a majaw, mawng lung wa nna sumwi zawn nang hpe ka-up kau na mara ai. Shanhte gaw hten run sai mare chyinghka lam hku lai shang wa yang, arai htaw ai gumra leng ni hte hpyen leng ni a wu kadu ai nsen ni a majaw na a mare bunghku ni gari ashun na mara ai.

EZEKELA 26:18

Ya chyawm gaw, nang kadawng mat ai shani e, Zunlawng ni gari ashun nga ai hte, Shanhte a masha ni dai zawn re ai jahten shabyak lam a majaw mau kajawng nga ma ai.”

EZEKELA 26:21

Ngai nang hpe hkrit hpa kasi shatai nna dai gaw na a matu jahtum rai na ra ai. Masha ni nang hpe tam ti mung, galoi mung mu hkrum na ndai n rai.” Tsaw Htum ai dai Madu tsun nu ai.

EZEKELA 27:28

Lup mat wa nga ai li hkang masha ni a marawn jahtau ai nsen gaw Panglai hkin-gau de du hkra hpungtang kashaw nga ai.

EZEKELA 27:35

Panglai hkin-gau mayan hku shanu nga ai ni mung nang hta hkrum hkra ai lam a majaw, mau kajawng mat ma ai. Shanhte a hkawhkam ni pyi hkrit gari ai hte myi man ni hta nshung si ni hprwi rai ma ai.

EZEKELA 31:16

Ngai gaw dai hpe Katsan ga de shayu kau dat ai shaloi, de a sum kadawng mat ai a wu kadu ai nsen gaw amyu masha ni yawng hpe gari ashun shangun na ra ai. Eden sun e tu ai hpun ni yawng hte mungkan ga a lawu tsang de yu mat wa sai dai hka hkru hkra lu lu ai Lebanon a hpun ni mung dai hkrat sum ai amu hta awng sharawng nga na mara ai.

EZEKELA 32:10

Ngai nang hpe galaw ai amu a jaw e, masha amyu baw law law ni mau kajawng mat na mara ai. Ngai gaw nye a nhtu hpe ningwat dat ai shaloi, hkawhkam ni hkrit gari mat na mara ai. Nang kadawng taw ai shani e, shanhte yawng gaw tinang a asak a matu mara, hkrit gari nga na mara ai.”