EZEKELA 26:10 - Jinghpaw Common Language Bible 2009

¹⁰ Law la ai ga nhpu ni gaw hpyen gumra ni a majaw, mawng lung wa nna sumwi zawn nang hpe ka-up kau na mara ai. Shanhte gaw hten run sai mare chyinghka lam hku lai shang wa yang, arai htaw ai gumra leng ni hte hpyen leng ni a wu kadu ai nsen ni a majaw na a mare bunghku ni gari ashun na mara ai.

Jinghpaw Hanson Version Bible

¹⁰ Shi a gumra ni law nga ai majaw, ga nhpu nang hpe ka-up na ra ai; gasat nna waw malawng ai mare kata de masha ni ru bang wa ai zawn, shi gaw na a mare chyinghka hku shang yang, gumra jawn ai ni, hpyen leng ni hte arai htaw ai leng ni wu kadu ai majaw, na a bunghku ni gari awam na ra ai.

EZEKELA 26:10 ပူးပေါင်းရင်းမြစ်များ

YEREMIA 39:3

(Yerusalem hkrat sum mat ai shaloi, Babelon hkawhkam wa a lahta tsang du salang ni yawng hte gaw Ka-ang Chyinghka lam e shara sa la da ma ai; dai ni hta Nergala Shareze, Samgara Nebo, Sashehkim, Nergala Shareze (kaga langai mi), ni lawm nga ma ai.)

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

YEREMIA 47:3

Shanhte gaw gumra lahkru ngoi ai nsen hpe mung, hpyen leng ni a wu kadu ai nsen hpe mung, leng dingsen ni a ngoi garu ai nsen hpe mung na na mara ai. Kanu kawa ni gaw shanhte a kashu kasha ni hpe karum na matu bai kayin wa lu na mara ai n rai; shanhte a lata ni n-gun yawm ai hte kya noi taw nga na mara ai.

EZEKELA 23:24

Shanhte gaw dingdung maga hku hpyen leng ni, rai htaw leng ni hte hpawn hpyen luksuk kaba ni hpe woi yu wa nhtawm nang hpe gasat na mara ai. Shanhte gaw tinang hkum hpe makawp maga ya ai hpyen ninggang ni hte hpyen gupchyawp ni hte nang hpe wang da na mara ai. Ngai gaw nang hpe shanhte a lata de ap kau nna shanhte gaw shanhte a htung tara hte maren nang hpe jeyang na mara ai.

EZEKELA 26:15

Tsaw Htum ai dai Madu gaw Turu mare hpe ndai lam tsun na lu nga ai: “Nang gasat hkrum ai hte sum ai shaloi, htau sat kau hkrum ai ni a kyek shabam ai nsen a majaw, panglai hkin-gau mayan hku shanu nga ai masha ni hkrit gari na mara ai.

EZEKELA 26:7

Tsaw Htum ai dai Madu gaw, “Turu mare hpe gasat na matu, galu kaba htum ai hkawhkam ngu ai Babelon Hkawhkam Nebuhkadneza hpe ngai woi sa wa na nngai. Shi gaw hpyen gumra ni, hpyen leng ni, gumra jawn ai ni ngu ai hpyen luksuk kaba hte hpawn dingdung maga kaw nna yu sa wa na ra ai.

EZEKELA 26:9

Shanhte gaw na a mare bunghku ni hpe run ai gawng ni hte adawt sharun kau ya ai hte na a langchyi ni hpe mung hpri htinggrang ni hte mala sharun kau ya na mara ai.

EZEKELA 27:28

Lup mat wa nga ai li hkang masha ni a marawn jahtau ai nsen gaw Panglai hkin-gau de du hkra hpungtang kashaw nga ai.

YAWSHU 6:20

Shing rai hkinjawng ni pahtau dum dat mu ai hpe shawa masha ni na ma yang, shanhte ja ja jahtau garu dat mu ai hte mare bunghku ni daw ru mat wa nga ai; dai hpang hpyen luksuk ni yawng mung dai mare de da nga ai kawng ang ang de lung wa nhtawm dai hpe madu la ma ai.

YAWSHU 6:5

Dai hpang, shanhte gaw pahtau nsen galu dum dat mu ai shaloi, dai nsen na ai shaloi jang, masha nlang a nsen shaja nna jahtau dat na rai ma ai; shing rai jang mare bunghku ni daw ru mat na ra ai. Dai hpang hpyen luksuk ting gaw tinang a man ang ai hku mare kata de shang wa na rai ma ai,” ngu nna tsun wu ai.