EZEKELA 25:8 - Jinghpaw Common Language Bible 2009

⁸ Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

Jinghpaw Hanson Version Bible

⁸ “Madu Yehowa ning nga ai: ‘Moba mung hte Seira bum gaw, Yu u, Yuda amyu gaw maigan amyu kaga mahkra hte maren tai wa sai,’ nga nna tsun ai majaw,

EZEKELA 25:8 ပူးပေါင်းရင်းမြစ်များ

2 HKAWHKAM LABAU 32:19

Shanhte gaw kaga masha amyu ni a karai ni hte masha lata hte tawk da ai hpara sumla ni a lam hpe tsun kajai ma ai hte maren Yerusalem a Karai Kasang hpe mung tsun kajai ma ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

YEREMIA 12:14

Dai Madu gaw, “Nye a amyu masha Israela hpe ngai jaw tawn ai lamu ga hpe jahten sharun kau ya ai Israela a htingbu ni hte seng nna tsun dan na lam lama mi ngai lu nngai. Ngai gaw hkai bawng hpe gang baw kau ai zawn n hkru ai amyu masha ni hpe shanhte a mungdan ni kaw na baw kau na we ai; ngai gaw Yuda mung hpe shanhte a lata kaw nna hkye mawai la na nngai.

YEREMIA 27:3

Dai hpang, dai Madu gaw Edom, Moba, Amon, Turu hte Sidon hkawhkam ni hpang de Hkawhkam Zedekia hpe mu lu na matu Yerusalem de du sa nga sai shanhte a dat kasa ni a lata hku nna ndai mungga hpe shagun dat na matu ngai hpe tsun ni ai.

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

TARA JAHPRANG 2:5

rai ti mung shanhte a lamu ga lahpa mi pyi nanhte hpe ngai ap ya na n re ai majaw shanhte hte majan hpaw lu na myit dai n rai; Edom mung hpe mung Esaw amyu matu mara ni hpe ngai jaw da se ai.